الخميس، 13 نوفمبر 2014

..


..


..

جيتي من الله نعمةٍ في حياتي 
جيتي ، وأضويتي دروبٍ عتيمه

عـبدالإله العبدلي.

..

والله أبيك..

وإني في بُعدك أعاني

عيّا قلبي يشوف ثاني!

انتا بس اللي أبيه..

ويحتري قلبي تجيه!

هذي هي: كل الأماني


عـبدالإله الـعبدلي.

..

ايه أخاف ..
لأن بعدك ما أطيقه
للأسف ؛ هذي الحقيقه
حتى بـ عيوبك تعال
واترك لـ قلبي مجال
إنه يعيش !

عبدالإله العبدلي.

الخميس، 18 سبتمبر 2014

..

الحب الطاهر

اجعل حبك لها خالي من حماقات هذا الزمن !
لا تُعلّق الحب بـ "وجه" أعجبك ملامحه ..
ولا تُعلّق الحب بـ "جسم" لمطالب شهوتك ..
اجعلها أكبر من ذلك بكثير ، لأنها تستحق ذلك
اجعل حبك لها : كالإنتماء للوطن ، بإهتمامك لها وخوفك عليها واحتياجك لها بجانبك ..
اجعل حبك لها لـ روحها وقلبها وشخصيتها !
لتكونوا روحين في جسدٍ واحد ، يجمعكم الحب
اجعلها شريكة في كل أمور حياتك بتفاصيلها
لا تُلوّث اسم الحب ، دع الحب سبب سعادتك .

- عبدالإله العبدلي.

..

هيَ وُجِدَتْ لكي تُكمل نصفي
فأنا بدونها : نصف إنسان 
يبحثُ عن نصفه الآخر ، بِها
هيَ الوطن !
وأنا شديد الإنتماء والولاء ❤️

عـبدالإله العبدلي.

..

احزن يا قمر شبيهك نوى يغيب هالليلة
وترقّبي يا شمس صباحٍ معاه أجمل ❤️

عبدالإله العبدلي.

..


..

والله إني مشتاق ..
والفراق ماهو بـ يِدَيْ
آه على الظروف ..
تحرّم لمس الكفوف 
والله غصبٍ علَيْ  !!

عبدالإله العبدلي.

السبت، 23 أغسطس 2014

..

ليه البعاد ؟
ليه المكابر ، وليه العناد ؟
وانت بداخلك ..
تضعف وتبيني 
وبالوصال قادر ! 
وتتركني لـ أنيني
يعني عاجبك ؟
حبنا واحنا بعاد !

عـبدالإلـه الـعبدلي.

..

يا حاجةٍ ،، تغنـي عن الكـل لا غـاب
ويا غايةٍ ،، تكفـي عـن الخلـق كلّـه !
حتى سواد الشعر فيني ترى شاب
تكفـى دخيـلـك مـا أبـي غيـر طلّـه !

عـبدالإله الـعبدلي.

❤️


..


الخميس، 24 يوليو 2014

..

يا صاحبـي ،، ليـه اللقا بيننا طال
ليـه التـلاقـي حـالـفٍ مـا يبينـي ؟؟

كـن الجفـا لحـنـك ،، وغنّيـت مــوّال
و كن الصبر ما عاد يرضي حنيني

إن قلت أبنسى مر طيفك على البال
وإن قلت أبرجع ،، رد فينـي أنينـي

يا صاحبي ،، والله ما تدري الحـال
طاري البُعاد ،، يهز كل شي فينـي

يا صاحبي ، ماضيك باقي وما زال
الماضـي اللي كان : أجمل سنينـي

ليـت الأمانـي ،، كل مـن قالهـا نـال
و ليت الوصال اللي بغيته ،، يجيني

عـبدالإلـه الـعبدلي.

..

الأحد، 20 يوليو 2014

..

اليـوم هـذا : غيـر عـن كـل الأيـام
اليـوم هـذا : مـولـدك يـا غـنـاتـي
كل عام وانتِ كل مابي من أحلام
كل عام وانتِ يا حياتي ، حياتي

عـبدالإله العبدلي.

الخميس، 17 يوليو 2014

..

أقدر أكابر..
وأقول: ما يهمني!
لكن الشوق..
كيف أقدر أقطعه؟
أسهر الليل..
أصبر معَ حزني!
طيفه الدايم..
كيف أقدر أمنعه؟

عبدالإله العبدلي.

..

احتريتك عمر..
وأبطيت ما جيت!
وجاي تراضيني
ما طفى الجمر..
آسف حبيبي!
جيتني يوم عفتك
بطّل تحاكيني!
لا تسيّر ولا تمر..

عـبدالإله الـعبدلي.

..

خاب ظنّه ..
وانحنى راسه كثير
كلهم جفا ، بالأخير
جف رطب الأماني ..
وصِغَر كل ما هو كبير

عـبدالإله العبدلي.

الخميس، 26 يونيو 2014

..

ليه التغلي وإذا .. جيتك تكابر
وتبيّن إنّه مـا يهمّك وصالـي

بعود لك عابر .. مثل أي عابر
وخلّك على طبعك أبد لا تبالي

لا تقول لي روّح ، وبتمل صابر
والله ما أرجـع وشـف لك بدالي

شف لك حبيبٍ ، ما يمل التكابر
وأشوف لي غيرك يقدّر وصالي

عبدالإله العبدلي.

..

يا قلبي ..
وش فيك ؟ تتبع المقفي
وش فيك؟ دخيلك يكفي
أتعبتني والله معاك!
وش ذنب العين ما تغفي؟

عبدالإله العبدلي.

..

ما ذنبي ..
إذا تعلّق بهِ قلبي
فليس باليد حيلة
لو بكيت ألف ليلة
فالقلب لم يعد قلبي
انقسم نصفاً معاه
فـ يا تُرى ما ذنبي ؟

عبدالإله العبدلي.

❤️

ما يحلى الصبح إلا معاك..
مزاجي ما يغيره سواك..
بالله لا تبخل .. وسمّعني !
صباح الخير من شفاياك ❤️

عبدالإله العبدلي. 

..

يا ليل: والله يكفي
متى هالعين تغفي
متى يبطّل يغيب ؟
ويعتبرني له حبيب
بدل نقطة ضعفي

عبدالإله العبدلي.

..

خذني لك..
خذني من كل الجروح
والشوق اللي عيّا يروح
ارجع حبيبي كافي!
تعرفني أحتاج وما أبوح

عبدالإله العبدلي.

الاثنين، 16 يونيو 2014

..

الكتابه قد أُمارسها مجرد هواية
وقد تكون لإيصال رسالةٍ ما 
وقد تكون ترجمة لأحاسيسي
وقد تكون ترجمة لأحاسيس البعض
وقد تكون تفتح جرح قديم
وقد تكون ترسم ابتسامة
وقد تكون تُحيي ذكرى قديمة
وقد تكون تجمّل حاضراً
وقد تكون تعبير كبير للحب
بأنها سبب كبير لبداية قصة حب 
وقد تكون تعبير كبير للكره
بأنها سبب لإنهاء قصة حب
وقد تكون مجرد حروف عابره
يمر عليها القارئ بدون اهتمام
وقد تكون مجرد حروف راسخه
يذكرها القارئ أينما ارتحل

فما أجمل هذا القلم الذي يشرح ألف شعور!

عبدالإله العبدلي.


..

خذني لك..
خذني من كل الجروح
والشوق اللي عيّا يروح
ارجع حبيبي كافي!
تعرفني أحتاج وما أبوح

عـبدالإله العبدلي.

..

يا ليل السهر..
والفِكر والذكريات!
الشوق .. والحنين
التـعـب .. والأنيـن
الماضي اللي ما مات!
يا ليل السهر..

عبدالإله العبدلي.

..

جيتي من الله نعمةٍ في حياتي
جيتي ، واضويتي دروبٍ عتيمه

ما عدت أهتم لحياتي وأحاتـي
ودّعـت بعـدك ، كـل ليلـه يتيمـه

عـبدالإله العبدلي.

..

حبيبتي..
صباح من دونك 
بدون طلّة عيونك
حزين ، ومُمل
أبسألك جاوبيني
كيف أنا بقدر؟
أشيل من دونك 
.. الحِمل ..

عبدالإله العبدلي.

..

حلم اللقا..
تبخّر ، مع الأيام
من بعد طول صيام
ما لقيت إلا الشقا ..
يا مُر الحب !
ويا ليل العذاب !
بالله منكم وش بقا ؟

عبدالإله العبدلي.

..

كل الحـروف اليـوم تعجز وصوفـك
سبحان من أعطاك زين الوصايف

هذي حروفـي ليتهـا تمـسّ جوفـك
وهذا قصيـدي لغيرك اليوم عايـف

عبدالإله العبدلي.

..

هيْ ..
أبيها هيْ
أبيها دنيتي وحبّي
وأحمد دايمٍ ربّي
دامها ليْ ..
اللي في حلاها 
ما لها أربعين !
ولا لها بعيوني 
زيْ ..

عبدالإله العبدلي.

السبت، 7 يونيو 2014

..

لهَا من الليلِ كُلَّه ..
ولها من كتاباتي كُلّها ..
لها كلّي فأنا مُلكها ..
ولي كُلّها فإنها مُلكي ..
هيَ فقط ، والبقية لا يهُم ❤️

عبدالإله العبدلي.

الجمعة، 6 يونيو 2014

..

أحبَبْتُها بكل عيوبِها ..
أحبَبْتُها لأنها هي بإختصار
فعندما تسألُني عن عيوبِها
فأنا أرى عيوبِها كمال
أحببتها لقسوتها قبل طيبها
ولعيوبها قبل إيجابياتها
أحببت قلبها قبل شكلها
لكي لا يكون هناك عذر للإبتعاد عنها 
أحبَبْتُها لأنها نصف لمن يفتقد إلى نصفه
أحبَبْتُها لأنها السعادة عندما أشعر بالضيقة
أحبَبْتُها لأنها أول من تقف معي في انكساري
لأنها هيَ ❤️

                                     عبدالإله العبدلي.

❤️

غايبه..
وغيابها عنّي طوّل
وكل شي مثل أوّل
قدرها عندي غالي..
ومهما الوقت تحوّل 
تبقي هي الوحيده
لين يرجع زمان أوّل ❤️

عبدالإله العبدلي.

..

كل المشاعر همسهـا في محيّـاك
وكل العواطف تتجـه صوب عينـك

يا مُلهمة جيتي في قلبي وحيّـاك
خلّي القصايد تنحكى لجل زينك

عبدالإله العبدلي.

الخميس، 5 يونيو 2014

..

يا طول صبري ، وليلي ممتلي ضيقـه
عيني من الشوق سهرانه تبي تشوفك
وش حـيـلـة اللي ، منّـك ما بلـع ريـقـه
تعـب ينـادي و يحلـمْ يلمـس كفوفـك

عــبدالإلــه الـعبدلي.

..

ياصاحبي ليه اللقا بيننا طاال
ليه التلاقي ،، حالفٍ ما يبيني
كنّ الجفا لحنك ،، وغنّيت موّال
وكنّ الصبر ما عاد يرضي حنيني
عبدالإله العبدلي.

..

ليـت السهـر يزور أطراف عينـك
ليتـك تحس شلون يذبـح حنينـي

كان الفجر أقضيـه بينـي وبينـك
والحين صار الفجر ساعة أنيني

عبدالإله العبدلي.

..

ترى العتاب .. حب وغِيره
والعتاب عدّه من المحاسِن

عبدالإله العبدلي.

..

يا حلوْ الزعل لا جا بعده رضا
ويا حلوْ الرضا إن كانه صوتك

عبدالإله العبدلي.

..

ليه التغلّي ، وإذا جيتك تكابر
وتبيّـن إنّـه مـا يهمّـك وصالـي

بعود لك عابـر ، مثل أي عابـر
وخلّك على طبعك أبد لا تبالي

عبدالإله العبدلي.

..

لا تستغرب وتطرح الأسئله
أحبه كل يوم .. بقلبٍ جديد

مدري كيف أحبّه ، وأجهله
هو حبيبي .. بسً من بعيد

عبدالإله العبدلي.

..

إذا ما جابك الشوق لا يجيبك الليل
يمتلي وقتك فراغ .. وتدوّر لك ونيس

عبدالإله العبدلي.

..

أنا وقت فراغك..
وأنا بعز انشغالك..
وأنا لهمومك أكتاف!
وأنا لفرحك حلالك..

عبدالإله العبدلي.

..

كنّ الفجر موعد الذكرى
وكنّ الليل يختبر صبري

ليـه أبطيـت .. يا بكرا ؟
وليـه منتا على خبـري ؟

عبدالإله العبدلي.

..

ليش أبكي؟
وينحرق دمّي!
وأكتب..
لشخصٍ أتعبني وصاله!
وهو لا يقرا..
ولا حس بهمّي!
ولا قد جيت ،، في باله!

عبدالإله العبدلي.

..

ياما من المشاعر أخفيت
عيّت تنقال .. وعيّت تروح

ياما من الأشواق أمسيت
عادي أحب بس ما أبوح

عبدالإله العبدلي.

❤️

أنا: حبيبتي يا قوّتي ويا ضعفي
هي: كيف لك بالضعف أن تحميني؟
هي: أذكرك تقول أنتِ نصفي
أنا: يضعف نصفي ونصفك يُقوّيني

عبدالإله العبدلي.

..

ما أدري أحط العتب على مين؟
المكان ، ولا الحظ ، ولا الوقت

بنفس المكان التقينا من سنين!
والمكان اليوم يجتاحه الصمت

عبدالإله العبدلي.

..

كتبت فيك الشعر ، ولا حرّكك
كتبتك شـوق ، وولـه ، وغيـاب

إذا القصيد ، ما قدر يعلّمك؟
بالله قلّي ! وش يرد الأحباب؟

عبدالإله العبدلي.

..

الكون ذا كلّه ..
كل حبيب وله خلّه ..
وأنا مكتفي فيك !
قلبي راضي ويبيك !
انتي اللي خلّيتي
القمر يغار من ظلّه ..

عبدالإله العبدلي.

..

صارت عادة..
كل يوم أسهر!
إلى صلاة الفجر..
وتمر الليالي
والشوق يكبر!
وأنا ما غير أنتظر..

عبدالإله العبدلي.

..

خبري فيك مقتنع .. وراضي
وإن طلبتك قلت سمعاً وطاعه

هي يا إما مكابر ولا تغاضي
ما هي من عاداتك / القطاعه

عبدالإله العبدلي.

..

ذبحني الشوق..
وأنا طبعي ما أبوح
والليل كالعادة!
موطن الآلام والجروح

عبدالإله العبدلي.

..

كل الحكي سراب!
ما شفت منك اللي تقوله
لا تحب ولا تشتاق وتوله
وش اللي مشغلك عنّي؟
كل حبيبٍ ، وله فضوله
كل الحكي سراب!

عبدالإله العبدلي.

السبت، 17 مايو 2014

..

دامه هو يبيني، وأنا أبيه
ليه ما يكتمل نصف مع نِصْفه؟

ليه يا زمن قسوتك .. ليه؟
ليه ما ودك لنا تحلى وتِصْفى

عبدالإله العبدلي.

..

تدري إني أبيك، وأدري إنك تبيني
كلنا بحاجة بعضنا لكن طبعنا غرور

تدري ودي أجيك وأدري ودك تجيني
ياما قصدنا بعضنا من بين السطور

عبدالإله العبدلي.

..

ما يحلى الحكي إلا معاك
حبيبتي .. يا ملح السوالِف 
وإن انجبرت أسمع حكي غيرك !
حاضر بإسمي وغايب بالعواطِف

#عبدالاله_العبدلي ✨

..

يوم لقانا في البال محفور..
ذكرى حبنا كيف أبنساها؟

جبرني حبك وصرت مجبور
إلى يومك الذكرى أحياها!

#عبدالاله_العبدلي ✨

..

يا ليل منهو اللي نام ما حلَم؟
ومنهو اللي ما شكى الظلام؟

ومنهو اللي من ذكرياته سلَم؟
والليل دروبه ما تعرف سلام!

#عبدالاله_العبدلي ✨

..

لا تقول آسف..
وتتعذّر بالظروف!
وترجعلي..
متى ما زانت أوقاتك!
لا تقول أعذار..
وتلملم بالحروف!
تحمّل ، خطا أفعالك!

#عبدالاله_العبدلي ✨

..

طمنّي إني باقي على بالك
وإن الغياب ما نسّاك قدري

طمنّي إن ما غيري يحلالك
وإنه على الفراق والله بدري

#عبدالاله_العبدلي ✨

..

طويل ، مُؤلم ، ويهد الحيل !
الليل اللي يجتاحه الإشتياق

#عبدالاله_العبدلي ✨

الأحد، 11 مايو 2014

اشتقت لك..


..

يا كثر الأعذار والغياب واحد
ويا كثر الكلام والأفعال عدم..

يا كثر اللي ،، للجِميل جاحد
والعلاقات اللي آخرها ندم..

#عبدالاله_العبدلي ✨

..

مابي أكتبك!
وألفت النظر عليك
أبيهم غافلين..
وأنعم وحدي بوصوفك!
لأني أحبك!
وأموت فيك..
ومابي عيونهم تشوفك!

#عبدالاله_العبدلي ✨

..

تظنين بفراقك بعيش العمر خايف
ومن بعدك بينكسر جناح طيري

أبد ارحلي ولا على مثلك حسايف
كان لك في الهوا معشوقٍ غيري

#عبدالاله_العبدلي ✨

❤️

معاك أنت بالذات..
ودي عقارب الساعة ما تلف!
لأنك غير عنهم ..
مع إنك منهم ..
لكنّك بعيوني جداً مُختلف!

#عبدالاله_العبدلي ❤️

..

أحبك يا همّي وعذابي
أحبك ،، يا راس المال

معاك السلبي إيجابي
ومعاك ،، العيوب كمال

#عبدالاله_العبدلي ✨

..

ملّيت أسهـر الليـل أنا والقلم
وأكتـب ، للي ما يقرا كلامي

ملّيت أتجاهل ، وأخفي الألم
أشكي للورق همّي وملامي

#عبدالاله_العبدلي ✨

..

خاف ربك .. في بنات الناس
اذكر أختك وصحّي الضمير

احفظ أهلك .. وارفع هالراس
مرد الدنيا .. تلف وتستدير

#عبدالاله_العبدلي ✨

..

مـن كثـر حكـي هالنـاس .. بـالنـاس
الناس كرهت بعضها قبل موعد لقاها

#عبدالاله_العبدلي ✨

..

أكذب ..
لو قلت ما أبيك
لو أكابر !
طيفك يمر عابر
وأضعف وأجيك

#عبدالاله_العبدلي ✨

..

انتي بعدك ،، تسألين؟
ما شدّك أحد بغيابي

حبيبتي مالك أربعين!
ما فتحـت لأحد بابي

#عبدالاله_العبدلي ❤️

..

غريب ،، لكنّي أبيه !
متناقض وحلاته كذا

يغيب ،، لكنّي أجيه
ما نسيت لو هو نسى

#عبدالاله_العبدلي ✨

..

قالت أحبابك كثار!
قلت أبنعزل عن ناسي
حبيبك من أقدامي لراسي
املكيني بإختصار!
قالت تبي صادق احساسي؟
مع كل هذا أغار!

#عبدالاله_العبدلي ✨

..

قالت إنها تغار!
قلت صعب أحد يغريني
وعن جمالك .. يعميني
قالت لسا أغار!
قلت ما دام إنك تبيني
آمري واللي تبينه .. صار

#عبدالاله_العبدلي ✨

الثلاثاء، 6 مايو 2014

..

يا أجيك كلّي ،، أو كلّي يغيب
يا تملكني كلّي ولا انساني !

أكون لك ،، بـ مسمّى حبيب
ولا أرضى ، بـ مسمّى ثاني !

#عبدالاله_العبدلي ✨

..

يا بخل هالليالي الشحيحه
ما ودّها تنبت .. بـ يوم لقا

#عبدالاله_العبدلي ✨

..

كانها على الفراق ،، تعوّدت
وكانها على الليالي / سهرتها

ماني على خبرك ،، تحوّلت
حتى سود الأيام / عشقتها

#عبدالاله_العبدلي ✨

..

فيك من الزين ما يكفي الخلايق
ألف بسم الله عليك من الحسود

وتذكّرني ، لا من أمسيت ضايق
ما نسيتك في صلاتي والسجود

#عبدالاله_العبدلي ✨

..

لا تكذب ،، وتقول مرتاح
وغايبه / عنك الصحّة

ولا تقول ،، ما به جراح
والصوت / داخله بحّة

#عبدالاله_العبدلي ✨

..

وش عليك تغارين من الناس؟
وانتي ،، كل الناس بـ عيوني

وش جاب الفكرة من الأساس؟
ووش جاب القمر لـ النجومي؟

#عبدالاله_العبدلي ✨

..

والله خسارة!
فيك الحب الصادق
ليه كذا ،، تعشّمني؟
ويوم جد حبيتك..
وصرت في بحرك غارق!
تجي اليوم ،، وتهمّشني

#عبدالاله_العبدلي ✨

..

من متى تستأذن ،، لجيّتك
ومن متى تتعامل بـ رسميّه

أنت بس حطّني ،، بـ نيّتك
وتلاقيني أقولك : يالله حيّه

#عبدالاله_العبدلي ✨

..

عساني ابعد عن اللي ما يبيني
وعسى اللي يبيني .. أدري فيه

عسى اللي أبيه في يوم يجيني
كذا من دون ليش، وكيف، وليـه

#عبدالاله_العبدلي ✨

..

ما بين فكرة ،، وصياغة قلم
ومشاعر ،، وترجمة احساس

وما بين سهر ،، وليل الألم
يا كيف ،، أبوفي لكل الناس؟

#عبدالاله_العبدلي ✨

..

بعين الحب ما أشوف عيوبك
وبعين الرضا ،، مكتفي فيك!

يا خلّي .. تبعت كل دروبك
بشرّك وخيرك ،، والله أبيك!

#عبدالاله_العبدلي ✨

..

يا بنت جيتك أكمّل نص ديني
ما هو كلام ولعب ، عيال الحين

قطعت المسافة ما بينك وبيني
وفيت وجيتك بعد عِشرة سنين

#عبدالاله_العبدلي ✨

..

أكابر بصدّتي..
ويضيق الكون!
أموت..
وأعرف ،، علومه
تعبت أتغاضى..
الله يكون بـ عون!
غاية النفس الكتومه

#عبدالاله_العبدلي ✨

..

أكابر بصدّتي..
ويضيق الكون!
أموت..
وأعرف ،، علومه
تعبت أتغاضى..
الله يكون بـ عون!
غاية النفس الكتومه

#عبدالاله_العبدلي ✨

الخميس، 1 مايو 2014

..

الله يا كبر الغياب
ويا طول هالمسافه

تعال بكل العذاب
وأوعدك ما أخافه

#عبدالاله_العبدلي ✨

..

بعد نص الليل..
تتراكم الأفكار!
وتكثر الحكاوي المُسرفة
وبقرار تتّخذه!
تتعب ،، وتحتار
ما بين العقل والعاطفة

#عبدالاله_العبدلي ✨

..

أبيك الليلة..
اترك ناسك!
واترك أشغالك ،، وتعال
بفتح لك بابي..
يسلم لي راسك!
يا معنى كلمة ،، جمال

#عبدالاله_العبدلي ✨

..

يا رياض ،، دايم امطري
وارسمي البسمة علينا !

من خير السحاب نحتري
ويا غيوم لا تبطين علينا !

#عبدالاله_العبدلي ✨

..

ما ألومك..
يوم بعدت عنّي
وأنت قطعة منّي
لكل شي ،، نهاية
وأنا أعترف لك!
إن الخطا منّي..

#عبدالاله_العبدلي ✨

..

كيف أغار من الحسّاد عليك ؟
وأنا عليك أحسد حتى نفسي

#عبدالاله_العبدلي ✨

❤️


السبت، 26 أبريل 2014

❤️


..

تعبت أتغاضى وأكابر
تعبت ،، أغار من بعيد

تعبت من كتم المشاعر
و أبيّن إنّي ،، سعيـد

#عبدالاله_العبدلي ✨

..

يمر اسمك : في سوالفهم
ويروح قلبي وعقلي ، معاك!

وأطالع تفاصيل ملامحهم
مابي أحدٍ يتبسّم بـ ذكراك!

#عبدالاله_العبدلي ✨

..

قالوا : أصدق الشعر أكذبه
وقصايدي من الكذب سالمه

صادق ، في كل شي أكتبه
شـاعـرٍ ،، ولـه جـوّه وعالمه

#عبدالاله_العبدلي ✨

..

يا ذاك الجمال البعيد..
أسأل الصدفة هل من جديد؟
والحظ لا يخدمني كي ألقاك!
حتماً هو يقتُلني من الوريد..

#عبدالاله_العبدلي

..

عطني سبب..
واقنعني بـ عذر!
وابشر..
باللي يصون أيامك!
لكن تستغفلني..
وتخلّيني على صبر
صعب ، أتقبّل غيابك!

#عبدالاله_العبدلي ✨

..

لا تجيني..
وأنت عارف مبتغاك!
والله رخيص..
تروح بعد تاخذ حاجتك
وترجع تسألني!
قاطع ، وش بلاك؟
أبد ولا شي ،، سلامتك

#عبدالاله_العبدلي ✨

الأحد، 20 أبريل 2014

❤️

إن تلفّت اعرف إنّي:
أدوّرك بين الحضور

إن قريت شعر مّني:
اسمك بين السطور

وإن قالوا ، التمنّي:
قلت : ليته لو يزور

#عبدالاله_العبدلي 

..

يا ليلي المُؤلم ،، ويا عتمة الضيّ
اشرقي يا شمس حرّري أفكاري

يا همي موّتني ، وأنا باقي حي
والليل: كشف ضعفي وأسراري

#عبدالاله_العبدلي ✨

..

غريب الزمن يا صاح..
وغريب تناقض هالروح!
الصبر للفرح مفتاح..
والفرج بدون الصبر يروح..
مابه موجود ، مرتاح
كلٍ من دنيته مجروح!
لا تغرق في بحر الجراح
ابتسم وتطيب الروح..

عبدالإله العبدلي.

..

بإسم كل شيء .. لك تعبير
ومن التناقضات ،، أنت مُمتلئ !

بإسم الحب : أُناديك "تعال"
وبإسم الهجر : حالي مُشفق
وبإسم العشق : هذا احتيال
وبإسم السهر : جداً مُرهق
وبإسم الرغبة : صعب المنال
وبإسم الأمل : غير مُشرق
وبإسم الغموض : سحرٌ حلال
وبإسم الغيرة : ناري تُحرِق
وبإسم الكبرياء : يجب الإرتحال
وبإسم الغباء : نجمي ما زال يُبرق
وبإسم التملّك : ليس لي مجال
وبإسم القلب : هو لهُ يُسرِق 

عـبدالإله العبدلي.

..

ما عاد للرضا علاقةٍ بالصمت
النفس لو ما حكت والله تموت

تغيّرت الأطباع ، وتبدّل الوقت
الناس تشوف الضعف سكوت

#عبدالاله_العبدلي ✨

..

يا كثر الأعذار والغياب واحد
ويا كثر الكلام والأفعال عدم..

#عبدالاله_العبدلي ✨

..

مسامحك!
وخذ راحتك بالرحيل
بس لا تنسى..
تاخذ الذكرى معك!
وقلبي :
ما عاد لك يميل!
روح ،، والله مسامحك

#عبدالاله_العبدلي ✨

..

غريبة الناس..
غريبة هالصفات!
أتعبونا..
ملّينا لهم ،، نتعذّر
صارت الحين!
من سابع المستحيلات
تلقى لك ناس “ما تتغيّر”

#عبدالاله_العبدلي ✨

..

كانت قويّة..
وبكلامهم ما تهتم!
وتتغاضى..
ما يهمّها إلا وجودي
لكن الناس!
محدٍ منها ، يسلم!
أبعدوها وشوّهوا وعودي..

#عبدالاله_العبدلي ✨

..

حبيتك أنتِ..
ورضيت بأقداري!
وعن غيرك:
قلبي والله ،، ممتنع
هويتك أنتِ..
وكشفت أسراري!
فيك راضي ،، ومقتنع

#عبدالاله_العبدلي ✨

..

العين تخفي انكسار القلب
والبسمة .. تبيّن إني بخير 

وأتظاهر إني قوي وصلب
أقول بخير .. وماني بخير

#عبدالاله_العبدلي ✨

..

وش بلا الناس ما تلزم أماكنها؟
الفضول وصل لأقصى الخفايا

بـ عيوبها تمحي كل محاسنها!
وأبشّرك قامت تدخل بـ النوايا

#عبدالاله_العبدلي ✨

الأحد، 13 أبريل 2014

❤️

بعد منتصف الليل: هو وقت النوْم
قبل أن تُغمضي عينيك ، أريد شيئاً
أن تقرأي ما تيسّر لك من القرآن..
لكي يُبعد عنك عيون الحاسدين..
هاهو الآن وقتك ، وقت النوْم..
وأنا كل تفكيري بك ، ولا يهمني القوْم!
وسأقرأ ما تيسّر لي من القرآن..
ليس لي فقط بل لكي أنت أيضاً!
وأُصبح على انتظار يوم غدٍ .. 
لكي أعود وأتحدث معك ، بكل لهفة
لكي تعود لي الحياة ، ولو بصدفة
حبيبتي ، لا تنسي ما أمرتك به..
فأنتِ جميلتي والحاسدين كثيرين!
اخلدي إلى النوم وأنا سأراقب ملاكي❤️
حبيبتي ، لا تُطيلِ في النوم .. 
أحتاجك غداً ، اشتقت لك من الآن!
عبدالإله العبدلي.

السبت، 12 أبريل 2014

..

بشرّه وخيره..
راح .. وانولد الجراح
ظنيت إنه بـ يطيب
طاب الزمن..
وما طابت الجراح!
يا زمن علّم قلبي:
إن اللي راح ،، راح
غابت البسمة..
وغابت الأفراح!
يالله عسى العوض 
ويالله إنها ،، خيره
بشرّه وخيره .. 
راح ..
وطاب الزمن 
وما طابت الجراح

عبدالإله العبدلي.

..

باقي تكابر؟
خذ راحتك بالغرور
وتغلّى..
وأنا بحتري باكر!
لين ما أتجاوزك
ويذبل الشعور..
وأقول عافك الخاطر!

#عبدالاله_العبدلي ✨

..

لحظة شوي..
من تقصد بشِعرك؟
وشوقك..
لا يكون للشخص الخطا
وأنا غافل..
دايم على خبرك!
كل يوم أزيد بـ العطا..

#عبدالاله_العبدلي ✨

..

بطّل تزور الليل ..
ويقترب موعد رقادي
وأنام والحلم يجيبك
وأصحى ما ألاقيك
بطّل تزور الليل ..

#عبدالاله_العبدلي ✨

..

لو قسى علي الوقت!
ما هجرتك ، ما نسيتك

ولو طال بيننا الصمت!
بالوصل ، ياما رجيتك

#عبدالاله_العبدلي ✨

..

علمتني الدنيا..
للراحة ما أحب!
ولا أسمح..
لقلبي إنه "يميل"
ننخدع في البداية
يلوثون اسم الحب!
ونهايتهم كلهم "رحيل"

#عبدالاله_العبدلي✨

..

على خبرك..
طويل هالليل
كئيب هالليل
وأنا أحتري وصلك!

#عبدالاله_العبدلي ✨

..

ليه اللي خذا بالقلب مكان
تالي الوقت يطيح من العين؟

وليه نبكي من غدر الزمان؟
وحكمة الله ،، فوق كل شين

#عبدالاله_العبدلي ✨

الاثنين، 7 أبريل 2014

..

ما يُجمّل الكلام : أن يُترجم بالأفعال
وما يُجمّل الأفعال : أن تأتي بدون كلام

#عبدالاله_العبدلي

..

لا يلمحك عابر!
ولا يشوفك قريب..
ولا بعيد،،
واترك الناس لبعضها!
واملكني وحدي..
اكسبني حبيب!
واترك الليالي وسهرها..

#عبدالاله_العبدلي ✨

❤️

لا تُحاولِ أن تُرضيني..
بإبعاد بعض العابرين!
فإني أحسد الكُل ،، الكُل بلا إستثناء
وأغار من الكُل ،، الكُل بلا إستثناء
إن كنتِ تُريدين أن أرضى فعلاً!
فيجب أن تسمحي لي بشيء:
أن أضعك في قلبي..
وأقفل عليك ،، ونعيش سوياً
بعيداً عن زحام البشر ..
لا أحد يرى ابتسامتك!
أو يسمع كلامك..
أو يلمس يداك..
فقط أنا وأنتِ ولا أحد ثالثنا!
حينها أفكر أن أرضى..
إذا لم أكن أغار من قلبي أنه بجانبك❤️

عبدالإله بن أحمد العبدلي.

..

قالوا اللي يغيب يقل بالحيل قدره
وقدرك في عيوني ،، عيّا يشين !

#عبدالاله_العبدلي ✨

..

ليه أكابر؟
وأكتم الشعور!
وأتغاضى..
وبضعفي أنا أدري،،
وأتصنّع..
لا مُبالاتي بالحضور!
وأكتم الشوق بصدري،،

#عبدالاله_العبدلي ✨

..

يا قوّ هالليل..
ويا طوله علينا!
ليه نضعف ويهزمنا؟
بين ذكرى واشتياق!
يا ليت لو بـ ايدينا..
والحظ لو مرّه ينصفنا!

#عبدالاله_العبدلي ✨

..

من يردّني لا تغزّلت فيك؟
يا زين أيامي ،، والحظ !

ومن يلومني لا قلت أبيك؟
يا جنة الله ،، على الأرض

#عبدالاله_العبدلي ✨

..

في برودك حكاية..
وفي كبريائي ظلم!
وبالنهاية:
محدٍ أخذ اللي يبيه
نتمنى ونطمح..
وفي الآخر ،، حلم!
لا هو جاني ولا بجيه

#عبدالاله_العبدلي ✨

الخميس، 3 أبريل 2014

❤️


..

كل ليلة نفس الحكي..
نسهر ،، ونشتاق
ونغرق في البكي..
والنوم هجر الجفون!
والدمع أرهق العيون!
كل ليلة نفس الحكي..
ما نلقى أحد له نشتكي..

عبدالإله العبدلي.

..

تذكر البارح؟
جاب الله مطر
الغيم ونسيم الهوا
كتبتك في سطر!
وأنا كنت سارح
يا أجمل من عرفت
سألتك وعطني خبر
تذكر البارح؟

#عبدالاله_العبدلي

..

غضّ العيون عن غيري
وامنع قلبك يهتوي ثاني

لا تخرج أبد عن سيري
وتجاهل العذول بالعاني

#عبدالاله_العبدلي ✨

..

طالت الغيبه ،، وما وصلني خبر
تعبت أسهر الليل أحتري بشاره

على هالحال: لي أكثر من شهر
وعلى هالغياب ،، ما قل مقداره

#عبدالاله_العبدلي ✨

..

ليه أشكي الضيق وانتي قريبه؟
كيف أحزن وانتي نعمة ربّي..

ليه أطلب ،، وعندي مثلك حبيبه؟
يكفيني انتي يا منوتي وحبّي..

#عبدالاله_العبدلي ✨

..

أنا أبكي..
على الليالي!
وأنا أشكي..
يرتاح بالي!
بـ كتابة شِعري
ووسادتي وعطري
وإن جبرني الشوق
صعبٍ علي أحكي..

#عبدالاله_العبدلي ✨

الجمعة، 28 مارس 2014

..

والله أكابر وأدري إني ضعيف
ما زلت أشتاق ، وأبكي وأحِن !

كل ما مرّيت من ذاك الرصيف
أسأل وأقول: ليه برجعته يمِن ؟!

#عبدالاله_العبدلي ✨

..

تلوّث اسم الحب ،، بفعايلكم
محدٍ قادر يضحّي ، ويتنازل

تعيبون ،، وما شفتوا عمايلكم
محدٍ مع حبيبه ، قادر يتعامل

#عبدالاله_العبدلي ✨

الخميس، 27 مارس 2014

..

أنا نصّك..
وفيك أكمل!
وفيني تصبحي كلّك..
من لي غيرك؟
يا حبي الأجمل!
وغيري انتي من لك؟
 
#عبدالاله_العبدلي ✨

..

اشتاق كثير..
رغم إني عارف!
وش نهاية المصير..
السهر صار عاده
القلب ما خذا مراده
مدري باكر وش يصير؟

#عبدالاله_العبدلي ✨

الثلاثاء، 25 مارس 2014

وش حيلتي؟

وش حيلتي؟
لا شفت عيوبك كمال
ما عطيت غيرك مجال
الله كمّلك والله عطاك!
انت يا السحر الحلال
وإن قالوا وش وصوفك
في حبيبك وش ميولك؟
وش تتمنى ،، عيونك؟
قلت أنت أكبر مثال ❤️..

عبدالإله العبدلي.

يا عين يكفي..

يا عين يكفي سهر ،، وأغفي
ما عاد تفيدك الذكرى الحين

الدمع بلّل ثيابي والله يكفي
ويا دمع: لا تطيح من العين

قلبي وش بلاه يتبع المجفي؟
وش بلاه يرد الشين بـ زين!

عـبدالإله العبدلي.

..

أنا أحتري هالبشر ، تغفى
وأكتب قصيدي لذاك البعيد

وأقول لليل : تكفى ، وتكفى
استر على تفاصيل القصيد

#عبدالاله_العبدلي ✨

..

أنا وش لي غير كتاباتك
أقراها كل يوم ،، قبل أنام

وكل الخيال يجيب ذاتك
وأبقى أحبك ،، رغم الملام

#عبدالاله_العبدلي ✨

..

غيب عني ،، وطوّل بالغياب
وخذ راحتك لين تمِل الهجر

بعذرك ،، ومع كل الأسباب
وبحتري لين يمِلّني الصبر

#عبدالاله_العبدلي ✨

..

تحملّنا ثم صبرنا وما شكينا
وقابلنا كل شين ، بحسن نيّه

تغاضينا ثم تبلّدنا ثم رضينا
وما عاد تغرينا روحه ، وجيّه

#عبدالاله_العبدلي ✨

..

بكيت خوف..
من باكر لا يجي!
وما نتلامس الكفوف
وجا باكر بدونك
قضيته كله بدونك
بدون طلّة عيونك
وأتأمل صورتك بالرفوف!

#عبدالاله_العبدلي ✨

..

غريبة القطاعه بعد طول الوصِل
وغريب التغاضي: بعد الإهتمام

وغريب اللي يبدا يرجع .. يمِل
وما يحسب حساب حب وغرام

#عبدالاله_العبدلي ✨

..

أعماني ربي عن كل العيوب
وغضّ عيني ، عن كل الملا..

عن حبك ، والله صعب أتوب
إما قُرب حبيبتي وإلا فلا..

#عبدالاله_العبدلي ✨

..

يا ضي عيني..
كل ما أبتعد عنك
صعب أبطّل أعشقك
وإذا عيني..
غضّت بصرها عنك
يخذلني قلبي ويتبعك!

#عبدالاله_العبدلي ✨

..

الدنيا تاخذ ، وتعطي أحباب
ومع الوقت يتبدّل كل غالي..

من كانوا أمس معنا أصحاب
اليوم يمر واحدٍ وما نبالي..

#عبدالاله_العبدلي ✨

..

الدنيا تاخذ ، وتعطي أحباب
ومع الوقت يتبدّل كل غالي..

من كانوا أمس معنا أصحاب
اليوم يمر واحدٍ وما نبالي..

#عبدالاله_العبدلي ✨

الخميس، 20 مارس 2014

افترقنا..

آخر الأيام..
بانت ملامح غياب
وإخلاف كل الوعود
تغيّرنا عن أيام زمان
وتغيّر، كل اللي كان 
يقتلني ذاك البرود!

افترقنا..
وصرت أردّد:
ليته يعود ، ليته يعود
ما بقى فيني صمود
فرّقتنا ظروف الدنيا!
وبانت ابتسامة حسود

عـبدالإله العبدلي.

..

كان الفراق يرضيك!
توكلّي على الله..
وما أظن أببكيك!
لأنك خنتي وعودك..

#عبدالاله_العبدلي ✨

..

تمر الأيام .. وتلحقها أيام
والشوق في كل لحظه يزيد
وأحلم .. وما ورى هالأحلام
غير واقع مُر .. إنك بعيد

#عبدالاله_العبدلي ✨

..

لا تهددّني بالغياب..
وانت بالوصل مقصّر
بتغيب ؟ الله معك ..
ما انخلقت لجل أتبعك!

#عبدالاله_العبدلي ✨

..

افترقنا..
وصرت أردّد:
ليته يعود ، ليته يعود
ما بقى فيني صمود
فرّقتنا ظروف الدنيا!
وبانت ابتسامة حسود

#عبدالاله_العبدلي ✨

..

انتي أكبر من رضا..
وأكبر من قبول!
ما بين أرضي والفضا
صرت أردد وأقول:
ما على غيرك ميول..
وإن جاني غيرك أرفضه

#عبدالاله_العبدلي ✨

..

في غيابك..
يجف القلم!
وأوراقي غدت ، بيضه
قلم يحتري من يغيضه
ويستمر الألم!
بس في غيابك..

#عبدالاله_العبدلي ✨

..

عندك توقف حايره كل الجمل
صعب الوصف صعب التعبير

وبحضورك ، ينتهي كل الملل
منك بس أقبل عتاب وتقصير

#عبدالاله_العبدلي ✨

..

وفي نهاية اليوم..
مسك الختام!
لا تغفي مهموم..
ومن أحد ، لا تنتظر
والمنبه لصلاة الفجر
وانوي المنام!

#عبدالاله_العبدلي ✨

..

يكفي يا حاسد تنتظر الزلّة..
مردّي بخطي وسجّل عندك!

راقبني بس تدري وش العِلّة؟
ما راح أوقف مشواري منك!

#عبدالاله_العبدلي ✨

الاثنين، 17 مارس 2014

أجمل تذكار ..

مابين زاويه وبرواز على .. رف
صوره رسمتها "أجـمـل تذكـار"

زاد شوقي وحبر القلم .. جف
ضعت في أوراقي والقلب احتار

وأنا أكتب أوقف عند كل حرف
مدري وش أوصـف ووش أختـار

والألم كـل يوم يزيد .. ماخف 
مدري وش النهاية وجهلت الأسرار

غديت أمد كفّي بالوهم .. لـ كـف
لجل أعيش القصة داخل الأسـوار

ذكرياتي قدامي صـفّوا .. بصف
كيف هجرتني والله يا قلبك جبّار

كنّك تغني وتزف جروحي .. زف
ولا همّـك حبيبك ولا آخر الأخبـار

صحيح مرّينا بمليون ظرف وظرف
لكن تخطّيناها بطيبه ورد اعتبـار

وش اللي غيّر حبنا وخوفنا والترف
وش اللي بدّل نعيم الحب لـ نـار؟

حتى ألبوم الصور تركني .. ولف
مكتوب بكل صوره مجافي ولا زار

في النهايـة الزمـن لقصتي .. ظف
وانتهى حبنـا وانقفـل عليـه الستـار

                                          عبدالإله العبدلي.

الأحد، 16 مارس 2014

وأنا المسؤول عن ذلك..

يحين موعد خلودها إلى النوم..
وتضع رأسها على الوسادة!
ولا تعلم من يفكر بها بنفس اللحظه
ومن يسهر من أجلها..
ومن أجل صباح أفضل
ويرتّب سيناريو أجمل
لكي تستيقظ بإبتسامه!!
ولو أني لا أراها ولكن أشعر بها 
وبمجرد شعوري بها ، أبتسم معها 
فهي الحب في الغياب..
قبل الحضور واللقاء!
ضعي رأسك وأخلدي إلى النوم
ولا تفكرين بشيء يُقلقك!
ستجدين ما يسرّك عندما تستيقظين!
وأنا المسؤول عن ذلك، أحبك ❤️.. 

                                   عبدالإله العبدلي. 

..


..

مرّني.. 
أخلق لك عذر
تعال وضمنّي!
أدري إنك منت لي 
لكن اغلط مره..
ومن أحبابك عدّني!

مرّني..
ومن تفاصيل يومك
يا حبيبي خلّني!
وإن ما صفا وقتك 
أنا لك سند..
وعلى يمينك حطنّي!

وإن حصل لي غيرك 
ما شدّني!
لأن قلبي معاك..
وفي غيابك..
غيرك أبد ما همنّي!
                        عبدالإله العبدلي.

..

قرّبي شوي..
أبسرقك من ناسك
وآخذ من وقتك شوي!
انتي بس .. تعالي
واملي قلبي الخالي
واتركي الباقي علي!

#عبدالاله_العبدلي ✨

..

يا قاسيه..
قدرك عيّا يشين!
تعبت أقول : عسى
ما ودك هذا القسى
في يوم إنه يلين!

#عبدالاله_العبدلي ✨

..

يا كلام الليل
يا أصدق سهر

معاك ، ليلي طال
وحظي معك مال
ما اهتنا لي بال

يا طول الليل
وما جا خبر !

#عبدالاله_العبدلي ✨

..

الناس أجناس!
وكلهم يجيبون الشقا
لا تبالي بالناس..
يغيبون بدون أسباب
قد قالوا: الدنيا غياب
وحدها الجنة ، لقا!

#عبدالاله_العبدلي ✨

..

بعيد عن عيني..
وأقرب من الكل!
وينه هو وويني..
مقيّد ، أنا فيه
ولا أقدر أجيه!
أبي منه الحِل..

#عبدالاله_العبدلي ✨

..

تحرق مثل شمس الظهر غيرتي
وشوقي مثل براد الليل ، مُزعج

ما بين شتا وربيع ، هذي ديرتي
وبين جفا ووصل موقفي مُحرج

#عبدالاله_العبدلي ✨

..

اضحك ، لين تغيض حاسدك
وعلمّه إنك بالشدايد ما تطيح

وعامله ، زي ما يحب يعاملك
وعلمّه: ما يصح إلا الصحيح

#عبدالاله_العبدلي ✨

الأربعاء، 12 مارس 2014

..

يا ليلي المُؤلم..
لا تعيد لي الذكرى
هجرني وما خذيت عبره
يكفي من فراقه ما أنام!
وكل ليله أحتري بكرا

#عبدالاله_العبدلي ✨

..

لو عقارب الساعة حكمها بيدي
كان أوقّفها .. في ساعة لقاك 

شوفتك .. هي بسمتي وعيدي
ثالث أعيادي ، يا أجمل ملاك

#عبدالاله_العبدلي ✨

..

أسقيت روحي بعد طول الظما
وينك من أول تحقّق لي أحلامي

ورجّعت لي النظر ، بعد العما
وبعين الرضا أشوفك كل أيامي

#عبدالاله_العبدلي ✨

..

يا زحمة الشوق داخل أعماقي
ويا كثرهم ، اللي فرّقهم الزمان

وافي في زمننا ، وين أبلاقي؟
ويا دنيا .. نسيت مالك أمان

#عبدالاله_العبدلي ✨

..

يا كبر الشوق ، ويا قلة الحيلة
ويا شين هجرك وأنت أدرى به

ويا طول الليل ، ومن أشكيله؟
دخيلك يوم اللقا لا تصد بابه

#عبدالاله_العبدلي ✨

..

هي على فراقها .. أصرّت
وما زالت ، تبرّر لي وتشرح

حسبي على ذكراها لا مرّت
دمعة عقب ابتسامة ، تجرح

#عبدالاله_العبدلي ✨

..

كيف أنا أكسر فيني صمتي ؟
كيف أحكي وفي داخلي غصّه

كيف أنا أعاند قاسي وقتي ؟
وما بقى من جسمي إلا نصّه

#عبدالاله_العبدلي ✨

الأحد، 9 مارس 2014

..

شوفي نفسك ، في المرايا
واعذريني لا طالت نظرتي

#عبدالاله_العبدلي ✨

..

لا تتعمّق معاي وآخرك تجهله
لا تبني داخلي حبك وتهدمني

لا يزيد الشك وتغرق بالأسئله
حب التملّك صعب به تملكني

#عبدالاله_العبدلي ✨

الجمعة، 7 مارس 2014

ألا ليت قلبي!


..

لمحته عابر وأربكتني الصدفه
خجلت أبادر ، وعيوني غضّت

مرّ وتغاضى ، وأنا كلّي لهفه
صدفه من طرف واحد ومرّت

عبدالاله العبدلي.

..

جفّ حبري..
طويلة الأيام بغيابك
وآه يا كبر صبري!
مليت من السهر
الثانية كنها شهر
بحتريك لو دهر!
وأكتب لك بشعري..

عبدالاله العبدلي.

..

من كثر ما طاحوا من العين .. غالين
جفّ دمعي وما عدت أبكي على أحد

عبدالإله العبدلي.

..

لا تتركني..
لـ الليل والشوق!
تعال واقطع جفاك
تعال وأسهر معاك
ومن ليلي خذني!
لا تتركني..

عبدالاله العبدلي.

..

مرّني..
اخلق لك عذر
تعال ، وضمنّي
أدري إنك منت لي
لكن اغلط مره..
ومن أحبابك عدنّي!

عبدالاله العبدلي.

..

 أنا اللي بغيابه أشتاق وأسهر
وهو في دنيته متهنّي ، ونسى

كل ما زاد الغياب ينسى أكثر
وأنا أحتريه وأقول لعلّ وعسى

عبدالإله العبدلي.

..

خذيت من هجر خلّي درس..
الوفا مهما يطول تاليه غدره
والطيب اللي غرسته غرس..
غدى مع سود الليالي نكره

عبدالإله العبدلي.

..

 لا قسى علي الوقت 
وغلبتني كل الظروف

بين الحكي والكبت
ضاعت كل الحروف

انفرض علي الصمت
وعيني عيّت تشوف

عبدالإله العبدلي.