صورتك في برواز..
أصعب تذكار!
أصبّر شوقي فيها
ونسيت وش مكتوب فيها
" جفاني ولا زار "
#عبدالاله_العبدلي ✨
الأحد، 29 ديسمبر 2013
..
دقّت الساعة..
وصلنا لـ نص الليل!
ما أقوى السهر،،
وآه يا طول الليل..
فاض من الدمع سيل..
تعالي حبيبتي.. دقّت الساعة!
#عبدالاله_العبدلي ✨
..
ما يحلي الحكي إلا معاك
حبيبتي يا ملح السوالف..
وإن انجبرت أسمع حكي غيرك!
حاضر بإسمي وغايب بالعواطف..
#عبدالاله_العبدلي ✨
..
ونهاية الحلم المستحيل!
موعد لقاه أصبح وهم..
يا حظّي .. القاسي
شرّبتني من مُر كاسي
يكفي قلبي منه .. انحرم!
#عبدالاله_العبدلي ✨
..
دخيل الله من العاطفة جفاف!
حايرين ما بين اللي لنا وعلينا
قلوبنا بيضه من طهر العفاف!
لكن الدنيا لوّثت بعض أمانينا
#عبدالاله_العبدلي ✨
..
فقدت الأمل بشوفتك..
وحبيت ساعة ذكراك
طيفك لا منه جاني!
ومن داخلي أعاني!
بس يكفي في خيالي
أعيش قصة لقاك..
#عبدالاله_العبدلي ✨
..
يا واقع ما عشت تفاصيله،،
ليه أنا مقيّد في وصالك؟
ويا حلم عيّا نومي يجيبه،،
وعيوني ما تبي حلمٍ بدالك!
#عبدالاله_العبدلي ✨
..
حبيبتي لا تحكين عن الماضي
لا تتعبين نفسك وتبرّرين أفعالك!
أنـا بقديمـك وجديـدك راضـي
أنا أحبك بكل عيوبك وأشكالك!
#عبدالاله_العبدلي ✨
..
أمس وأنا سهران..
وعدني الليل بحلم "ألقاك"
غفيت وجا اليوم..
وأنا بحلمي موهوم..
قفلت للأماني كل شباك!
ما عاد به لقا!
#عبدالاله_العبدلي ✨
..
يا ليل ما به أحد يسمعني
ما بقى .. إلا وسادتي
أحضنها وتسمع حكايتي
وإن زاد الشوق فقدت الأمل!
غفيت وقلت هذي نهايتي..
#عبدالاله_العبدلي ✨
..
لا انـت اللـي قادر أنسـاه
ولا انـت اللـي قـادر أجيـه
حظي معـك يا مـا أقسـاه
ما جمعني بقلبك وأنا أبيه
#عبدالاله_العبدلي ✨
..
الليل بارد..
وقصة وله في عيوني
عيّت على عيني تنام!
يا عيوني..
اتركي العشق القديم
اغفي وعيشي الأحلام!
#عبدالاله_العبدلي ✨
..
تعلمت من الدنيا ما به شي يدوم
اعتمد على نفسك واترك الإتكاليّه
مع الوقت تعلمت ما أطيح مهزوم
ما عاد من طبعي الروح الإنهزاميّه
👏👏
الأحد، 22 ديسمبر 2013
..
والله أتعبني طول الغياب
وشعور الفقد آه يا شينه!
وأقول إلى متى العذاب؟
متى حبيبي تحِن وتجينا!
#عبدالاله_العبدلي ✨
..
فات الميعاد..
لكن مع الأيام بنعود
ما هقيت ينسى الوعود
راح .. وملاني جراح
لكن بغيابه الأمل موجود
#عبدالاله_العبدلي ✨
..
يا ليل ما به أحد يسمعني
ما بقى .. إلا وسادتي
أحضنها وتسمع حكايتي
وإن زاد الشوق فقدت الأمل!
غفيت وقلت هذي نهايتي..
#عبدالاله_العبدلي ✨
..
يا مقصدي بين سطوري الحزينه
غايب .. بس في كتاباتي حاضر
حبيبي .. بعدك أظلمت هالمدينه
كتبتك كثير .. وآه بس لو تناظر
#عبدالاله_العبدلي ✨
..
اتركي عنك الحكي..
ترى كثر الحكي اسراف
وان زارك الصمت لا تخافين!
أنا أحبك بالسكوت أضعاف..
#عبدالاله_العبدلي ✨
..
في الهوا .. ما يجينا اللي نبيه
والنفس ما ترضى بالقليله،،
أبصبر.. دام الصبر مأجور عليه
وانت في المحبه راعي طويله،،
#عبدالاله_العبدلي ✨
..
جنّنيني ، ذوّبيني يا الرياض !
في الشتا آه يا محلا شوارعك
يا سما زرقا على نصع البياض!
في جمالك ما به مدينه تشابهك
#عبدالاله_العبدلي✨
..
كنت أشوفك لآخر حلمي حقيقه
وكنت عندي كل الأماني والطموح
لكن حكم الله ما به من يعيقه
أببتعد للأسف وأنا ممتلي جروح
#عبدالاله_العبدلي ✨
..
في صمتي بركان من ألم و بوح..
يكسّر ضلوعي وظاهرها ثبات!
لا يغرّك سكوتي من داخلي أنوح..
ميّت داخلي وأحكي عن حياة!
#عبدالاله_العبدلي ✨
..
يا عيوني غضّي بالبصر..
واتركيه .. دامه ما يبيني!
يكفي والله ذبحني حنيني!
إن لهيت مع غيره،،
طيفه في حلمي يجيني..
#عبدالاله_العبدلي ✨
الأحد، 15 ديسمبر 2013
..
أفكاري كثيره وليلي سهر
وزلة لسان .. تمحي دهر
ما بين أمس .. وباكر !
راحت ليالينا .. والله قهر
#عبدالاله_العبدلي ✨
..
توني أبوصف الشتا والهوا البارد
وأقول لليل وش كثر يذكّرني فيك
إلا المطر نزل وشوقي لك شارد
زاد احتياجي لك وودي أجيك
#عبدالاله_العبدلي ✨
الجمعة، 13 ديسمبر 2013
..
كثر الكلام يا صاحبي ما نحبه
يا ليت صمتنا ما يثير الشكوك
ويا ليت عتابنا ينفهم إنه محبة
وإننا ما نرمي لأحبابنا الشوك
#عبدالاله_العبدلي ✨
..
تعبنا من كثر الملام والعتاب،،
خلاص يا ناس فضّوها سيره!
كل ما قفلنا باب انفتح باب،،
يالله عسى في الجاي خيره!
#عبدالاله_العبدلي ✨
..
يا غيابه، قله ترى طالت الغيبه
وما بقى شي .. من ريحة ثيابه
قله ترى بصدّته ضاعت الهيبه
ما عدت أهتم لحضوره أو غيابه
#عبدالاله_العبدلي ✨
..
حبيبتي .. قلمي كتب
والقلب من أفعالك تعب
قلت يمكن تقرا وتتّعظ!
وأثرها تزيد على ناري حطب
#عبدالاله_العبدلي ✨
..
اغفي على صدري .. ونامي
واتركي وسادتك .. وليل السهر
مهما أشوفك .. أبقى ظامي
حبيبتي ، من يمل شوف القمر؟
#عبدالاله_العبدلي ✨
..
كيف قويت الفراق وبينا وعد؟
قلبك ما ذكّرك بـ ذيك العهود؟
ميّزتك عن الكل لا قبل ولا بعد!
كيف أوفيك وتجازيني بصدود؟
#عبدالاله_العبدلي ✨
..
البدر والغيوم..
ضيوف الليل والسهر!
والشوق والهموم..
والحسرة .. والقهر!
أحتريك تطل،،
أشرقت الشمس
وطيفك ما حضر!
#عبدالاله_العبدلي ✨
..
ما بين شكّي وافتراضه..
إنك تبي الوصل .. أو ما تبيني!
أمر من جنبك وأتغاضى..
وفي نفسي أقول عساك تجيني!
#عبدالاله_العبدلي ✨
..
بكرا تدور الدنيا ونفقد الأحباب
تعلمنا العطا لا يزيد عن حدّه
يبقى اللي ما عملت له حساب
اللـي ما توقعـت يمد لك يدّه
#عبدالاله_العبدلي ✨
الخميس، 12 ديسمبر 2013
..
يطول السكوت .. يطول الكتمان
ونبقى على صفحة الألم بـ سطور
وللحكي جسر .. وهذا الإنسان
يشوف الجسر وما يرسم له عبور
#عبدالاله_العبدلي ✨
الثلاثاء، 10 ديسمبر 2013
..
حبيبتي..
صعبه أشوفك .. وأعدّيك
ودي براحتك بس ما أقدر أخلّيك
بجيك .. وأقولك أحبك،،
حتى لو في عز نومك .. أصحّيك!
#عبدالاله_العبدلي ✨
الاثنين، 9 ديسمبر 2013
..
يا ليل من الألم..
تحكي قصته نجوم الفجر
آه يا طول الليل..ويا طول الصبر
منهو فينا من ذكرياته سلم؟
يا ليل من الألم..
#عبدالاله_العبدلي ✨
الجمعة، 6 ديسمبر 2013
..
جيتك ظامي.. وما أسقيتني،،
ظنّيتك الماء ، بس للأسف سراب!
جيتك طالبك .. وما أعطيتني،،
جيتك .. وقفلـت بـ وجهـي الباب!
#عبدالاله_العبدلي✨
الخميس، 5 ديسمبر 2013
..
وانتِ السبب وأظن عارفه خطاك !
لا تلتفتين، أنا قفلت بـ وجهك بابي
صعب أرجع وراح أكمّل بلاك !
#عبدالاله_العبدلي ✨
..
أنا من كثر الوله..
قمت أدور ملامحها بين الملا!
قمت أدور شبه..
أثر ما في غيرها في الحلا!
حبيبتي بالشبه مالها أربعين
#عبدالاله_العبدلي ✨
الثلاثاء، 3 ديسمبر 2013
..
أنا على الموعد ما نسيت!
واحتريك تأكدين حضورك،،
ولمحت ملامح غياب
تعالي نصفّي الحساب..
تعالي .. واكسري غرورك
#عبدالاله_العبدلي ✨
..
آه يا دنيا كيف غيّرتي الأوادم
غريب لـ حبيب ثم يرجع غريب
كيف كشفتي لكل وجه المعالم
يا دنيا .. والله وضعك عجيب
#عبدالاله_العبدلي ✨
..
حبيبتي وبس .. لا قبل ولا بعد
وش حاجتي للناس وأنا بقربها؟
لو يغيب الكل .. ما أفقد أحد
يكفيني من كل الدنيا .. حبها!
#عبدالاله_العبدلي✨
..
والله الصمت كثرته .. مُر
تعبت أحبس مشاعري وما أعبّر!
أبد لا تقول إني .. حُر
أنا حُر .. لما أنام بدون ما أفكّر!
#عبدالاله_العبدلي ✨
..
خُلقت لي عينان..ولا أرى سواك
وُجدت في العمر..وأريدهُ معاك
وصفي جعلُكِ في أعيُن الناس ملاك
اعذريهم فإنهم لا يعرفونك
#عبدالاله_العبدلي
الاشتراك في:
الرسائل (Atom)