..

يالغياب .. أتعبتنا كافي

يا كبر الشوق ويا بعد المسافه

ياللقا .. وينك خافي؟

من رحت وأنا أردّد .. حسافه

#عبدالاله_العبدلي ✨

..

ما جيت في حياتك أعوض غيابهم،،

ولا تعتبرني مؤقتاً .. "حبيب"

روح .. وصفّي حسابك وحسابهم،،

ما أجيك لجل غيري "يغيب"

#عبدالاله_العبدلي ✨

حبيبتي لا أرى فيك عيوب.. فمن عيوبك أحببتك!

..

الدنيا علمتنا من طبعها تدور

ومعدن البشر ينكشف بالمواقف

الوفي مهما قصّر يرجع يزور

يا قِل الرجال .. ويا كثر المعارف

#عبدالاله_العبدلي ✨

..

الليل كله ذكرى .. ما عاد وقتٍ للمنام

#عبدالاله_العبدلي ✨

..

عِز نفسك بين الملا ولا تصير طَلّاب،،

واحمي ظهرك قبل لا ينحكى به !

#عبدالاله_العبدلي ✨

..

ما أقبل أي اعتذار ،، لا تعتذر

دامك تفنّنت في عذابي

الله معاك!

لك .. انفتح بابي

#عبدالاله_العبدلي ✨

..

عِز نفسك بين الملا ولا تصير طَلّاب،،

واحمي ظهرك قبل لا ينحكى به !

#عبدالاله_العبدلي ✨

مابي غيرك .. ولو غيرك شدّني✨

✨

لا شكى صدرك من الخوف،،

قرّبي ترى حضني انخلق عشانك!

حبيبتي ، انتي داخل الجوف،،

لا تسوين شي بس ارجعي مكانك!

#عبدالاله_العبدلي ✨

✨

قضيت عمرك كله .. بالملام،،

تغيب ، وتعاتبني ليه ما سألت؟

ألا ليت الفعل .. مثل الكلام،،

حبيبي .. شفت منك وتعلمت!

#عبدالاله_العبدلي ✨

✨

احساسي .. عيّا لغيره يميل

في دنيتي .. ما له أي بديل

راح ،، وانولدت بعده الجراح

ومن غيره عليه الدموع تسيل؟

#عبدالاله_العبدلي ✨

✨

كان للأماني موطن انتِ الوطن

انتِ كل الأماني .. والغايات،،

حبيبتي انتِ في السر و العلن

انتِ الأمل .. وكل الحاجات،،

#عبدالاله_العبدلي ✨

✨

بنيت لك من حكي العذّال .. سَد

لجل ننعم في صافي حبنا 

حبنا صريـح ،، بين جزر .. ومَد

من حكيهم .. والله ما همّنا

#عبدالاله_العبدلي ✨

..

كنّا نقول الغياب مستحيل يصير

وان المحبة .. دايمه للأبد،،

كنّا نقول .. واليوم هذا المصير

ما كن أحد .. يعرف أحد،،

#عبدالاله_العبدلي ✨

..

لو ما يهمني غيابك ما اشتكيت

لو ما اشتقت لك ما كتبت شِعري،،

أكتب لك شوقي .. عقب ما بكيت

ارجع واحيي ما بقى من عمري،،

#عبدالاله_العبدلي ✨

..

أحياناً! أهرب من وصالك.. أقطع .. كل حبالك لجل أصارح نفسي،، باكري .. وأمسي أقدر ألقى بدالك؟ #عبدالاله_العبدلي ✨

..

 ما هو البرد اللي هز ضلوعي ولا المطر اللي خلاني .. أبتلّ أكابر .. والشوق أعلن خضوعي الشوق .. لكل ما فيني أحتلّ #عبدالاله_العبدلي ✨

..

وإن جيت أبوصف .. وش هو قبالك الحال ؟ انتي غيمه من جمالك كل لحظه تمطرين ،، #عبدالاله_العبدلي ✨

..

 يهم دام حبيبتي معي لو قضيت الدهر كله سعي بس حبيت .. أعطيك وعي الجو عليل .. ويا خيبة من ماله خليل ،، #عبدالاله_العبدلي ✨

..

زعلان منك لكن .. أشتاق لك! عمر الزعل ما يمنع الإشتياق،، أقول مابيك .. وأنا أحتاج لك! تعبت أكابر .. هزمني الفراق،، #عبدالاله_العبدلي ✨

..

هبّ الهبوب .. وهبّت الذكرى ماهي عادتي أشتّي بدونك،، أفرح بالجو .. ولا أبكي حسره تمطر الدنيا وفاقد عيونك،، #عبدالاله_العبدلي ✨

..

مابي غيرك .. ولو غيرك شدّني مابي غيرك .. ولو غـيرك كثيـر مروا كثيـر .. والله ما همنّـي انت في عيني الأول والأخير #عبدالاله_العبدلي ✨

..

من غيرها حبيبتي؟ أعاند نعاسي لأجلها،، أسهر الليل.. بس مع حبيبتي،، لجل أسمع حكيها! #عبدالاله_العبدلي ✨

..

كل يوم أقول اللقا .. بكره لحبيبٍ تجمعني فيه عِشره جيت وأحييت فيني الذكرى يا برد الشتا.. قلبي يقول إلى متى؟ #عبدالاله_العبدلي ✨

..

دام الحياة كلها .. تمنّي ما به حياةٍ وانت بعيد عنّي أحيان أنشد النوم .. وينك؟ عسى حلمٍ يقربك .. منّي #عبدالاله_العبدلي ✨

..

ترى الشوق اللي ما انحكى.. اللي بالخفا والصمت ارتكى.. اللي ذبحه الشوق وما اشتكى.. أبلغ من اللي: يعلن اشتياقه! #عبدالاله_العبدلي ✨

..

في لقاها.. أحس إني عن العالم مختلف أبحر في حسن ملامحها،، أبحر وبخفاياها .. أكتشف بس في لقاها! كل الضلوع .. ترتجف #عبدالاله_العبدلي ✨

..

حطّني ما بين وصالك، والفراق،، وخلني بين شكّي والحقيقه! حاير ما بين الكبرياء والأشواق،، و لا القدر، ما به من يعيقه! #عبدالاله_العبدلي ✨

..

للمحبة دروب وللهجر أبواب.. اختر اللي تبيه .. و أنـا راضـي! تبي المحبة ارضى بالعتاب.. وان نويت الهجر أبنسى الماضي! #عبدالاله_العبدلي ✨

..

عيبٍ علي أحلم وانتِ بقربي..

ويحرم علي التمني دامك بخير

#عبدالاله_العبدلي  

..

ما بين شوقي وعزة النفس..

أبيك الليله .. ابتسامتي هجرتني!

و باكر لا شرقت الشمس..

قلت حسبي على الحاجه جبرتني!

#عبدالاله_العبدلي  

أحبك يا حبيبتي!

..

ما يحلى الليل إلا بحكيك..

ويطول الليل .. ويا حلو طوله

#عبدالاله_العبدلي  

..

هناك عينٌ تبكي..

ولكن بلا دموع!

في نظراتها ، حزن

تُخفي ألمٌ بوزن الجبال

عينٌ تبكي بلا دموع،،

عينٌ تكشف شخصٌ موجوع!

#عبدالاله_العبدلي 

..

كنتي للسما بدرٍ يضوي الظلام

وكنتي للنجوم .. أوطان

وعن أرضي غايبه،،

#عبدالاله_العبدلي  

..

ما به جديد

هو يكابر ، وأنا أفكر فيه

قلبي الضعيف ما يتعلم!

محبوبي بعيد

يتغلى ، وأنا أتمنى أجيه

أشكيله وهو ما يتكلم!

#عبدالاله_العبدلي 

"حِس شاعر"

..

نكرت وجحدت ونسيت، وش بقى عاد؟

وش حاجتي لشخص ما يقدّر وجودي..

#عبدالاله_العبدلي 

..

القلب لا يريد غيرك ..

والعين لا ترى سواك ..

والأحساس كله يُترجم لك ..

والكتابة كلها لك ..

حبيبتي ومن مثل حبيبتي ؟

#عبدالاله_العبدلي

..

حبيبي هزمني، التعب!

تعبت أشكي ،، لوسادتي

أغفى ، وأنا كلي عتب!

من غيرها تسمع حكايتي؟

#عبدالاله_العبدلي  

..

في ليلي العتيم انت كل البياض!

كل هالسواد ولك من القمر ضي..

حبيبتي ... يا نور كل الرياض!

يا كل أشيائي لا غاب لي شي..

#عبدالاله_العبدلي

..

الليل لو في طوله خير..

كان جابك لي وأنا ساهيٍ بك!

#عبدالاله_العبدلي  

ابتسم يا حبيبي ، وانسى ما حصل ..

..

يا غيمه عيّت تروي وعيّت تزول..

احترت، أي فصلٍ من الفصول..

تعاتبني يوم، ويوم بالحب هايم!

يا غامض، نفذت مني الحلول..

#عبدالاله_العبدلي 

لا تغيب ..

..

ترى للصد تبرير ومآسي..

اختار الفراق وضميري يأنّبني!

قراري قلته لكنه ، قاسي..

أبتعد والشوق داخلي يحرّكني!

#عبدالاله_العبدلي  

..

تدري ليه دايم أعاتب الحظ؟

ما وقف معي والتقيتك صدفه..

والله ما عادت تشيلني الأرض!

ما عدت على صوتك أنا أغفى..

#عبدالاله_العبدلي 

..

دامك رسمت لك بالكبرياء طريق..

لا تنتظر مني أجي أسأل عن أحوالك!

#عبدالاله_العبدلي  

..

هو البكا جواب؟

للفرقا والأنين ..

كانوا أحباب !

كانوا على مين ؟

نبكي على خيبه

نبكي على غدر 

 على عشرة سنين ..

#عبدالاله_العبدلي  

..

على كيفك تغيب وترجع مشتاق

تبيني أحتري وصلك على بابك!

تعلن الحب مره ، ومره تعلن فراق

بترجع يوم وما تلقى .. أحبابك!

#عبدالاله_العبدلي  

..

هذي النجوم ظهرت..

والليل أجبر القلم يكتب،،

كم من أرواح عبرت..

ما لقيت غير روحك تجذب،،

والقلم ما له بديل في وصفك!

#عبدالاله_العبدلي  

..

يا هلال يا وطن يعاديه أوطان ..

الصدارة ما تبي إلا الزعيم !

تبقى الأول على مر الزمان ..

خذ وعد أنا لك هلالي صميم 💙

#عبدالاله_العبدلي

..

قالوا الشوق للغياب..

ما دروا عنك،،

أجيك مشتاق..

وفي اللقا مشتاق..

وإن رحلتِ زاد اشتياقي

هذا في حضورك

وش عاد الغياب؟

#عبدالاله_العبدلي

..

ما للشوق آخر ..

مهما تغاضيت ومهما تكابر ..

 تقسى الظروف وكلي أمل .. 

أحتري رجعتك باكر !

#عبدالاله_العبدلي ✨

..

ليه أحس إني غريب في لقاك..

ما تبادلني الحب بنفس الشعور!

ليه أعيش العمر كله في رجاك..

وانت ما يهمك غيابي والحضور!

#عبدالاله_العبدلي  ✨

..

لا تطلب الوصل وكلك صدود..

تعاتب على التقصير وانت مجفي!

تغيب أيام وتجيني بكل برود..

حبيبي .. ما جا منك والله يكفي!

#عبدالاله_العبدلي  ✨

"تعبت أجهلك"

..

تدري ليه دايم أعاتب الحظ؟

لأنه ما وقف مره ومعي والتقيتك صدفه..

#عبدالاله_العبدلي ✨

..

مابي غيرك ولو غيرك شدّني!

مابي غيرك ولو غيرك كثير..

مرّوا كثير .. والله ما همّني!

أنت بعيني الأول والأخير..

#عبدالاله_العبدلي  ✨

..

إدري إنك تشوف كتاباتي..

وإنك للحين تتمنى .. قربي!

فيها كثير من .. إجاباتي..

موقفي منك .. انتهى حبي!

#عبدالاله_العبدلي  ✨

..

ما عاد تفرق..

من ينطفي ضيّه

ومن يبرق!

وما يهم من يغيب..

بكرا ألف شمس 

بداله تشرق!

#عبدالاله_العبدلي  ✨

وش الحيلة؟

"وسادة موهوم"

..

غفيت على وسادتي..

من غيرها تسمع حكايتي؟

ونهاية الحلم المستحيل..

شكيت نفسي لمرايتي.. 

أعاتب نفسي وبالملام موهوم،،

#عبدالاله_العبدلي  ✨

..

صحيح احنا افترقنا..

وإنك غديت ذكرى

وأنا ما عدت أهمك!

احنا بالوهم ابتعدنا..

خذيناها عبره

أنا للحين .. أحبك!

#عبدالاله_العبدلي  ✨

..

كانك تبيها بالأماني أنت اللي أبيه..

وإن سألتني عن غاياتي أنت كل غاياتي!

#عبدالاله_العبدلي  ✨

..

حبيبي ..

لا تجي تطلب رجوعك..

لا تطلب السماح !

من يوم الفراق ، قلبي راح

شبّعتني ألم ، ملّيتني جراح

#عبدالاله_العبدلي  ✨

..

افتح لك باب، تقفل لي باب

أهزم نفسي وأكسب رضاك

لو طلبت العمر، والله جاك

وبكل سهولة تركتني..

جاي الحين تبي أغفر خطاك؟

#عبدالاله_العبدلي✨

..

تغيب بكيفك، بدون أسباب!

غيمة وصل ما أمطرت لقا

والهنا بوجودك تبدّل شقا

لا يا حبيبي مابي ترجع..

مات الورد وما من سقا

#عبدالاله_العبدلي ✨

..

وش جابك بعد طول الغياب؟

وش هي أسباب رجوعك؟

وش هو اللي بكّى عيونك؟

عرفت قيمتي ..

والحين تبدّلت ظنونك !

#عبدالاله_العبدلي  ✨

"قولي لهم"

..

ليت الشوق اللي يهز ضلوعي آخر الليل .. يتبعه لقا في أول صباحي بعد المنام

#عبدالاله_العبدلي  ✨

..

محظوظ..

من يشوفك 

صبح يومه والمسا

وأنا..

التقي بك لحظة

واشتاق لك أيام

حبيبي..

بردك زاد

ودي بدفا

حبيبي..

قرّب 

وحقق هالأحلام،،

#عبدالاله_العبدلي

..

ما شدّني ضي القمر

ولا منظر النجوم!

ولا شدّتني زخات المطر

ولا كثرة الغيوم!

أحب الليل لأن يكثر حكيها

من غيرها حبيبتي؟

#عبدالاله_العبدلي

..

ضاقت فيني الوسيعه بغيابك ..

رحت أدور في الملا أحدٍ يشبهك !

رحت ولقيت نفسي عند بابك..

رحت وعرفت ما به أحد يشبهك !

#عبدالاله_العبدلي  ✨

..

ضاقت فيني الوسيعه بغيابك ..

رحت أدور في الملا أحدٍ يشبهك !

رحت ولقيت نفسي عند بابك..

رحت وعرفت ما به أحد يشبهك !

#عبدالاله_العبدلي  ✨

..

حبيبتي..

لكل خطوه أثر..

لكل من عبر..

وأنا اتّبعت خطاك..

وصّلتني لعالم بعيد

عالم كله وفا وإخلاص

عشت أنا حبٍ جديد!

#عبدالاله_العبدلي ✨

..

كل الملامح تشبهك

وكل الأماكن تعرفك

يا اللي مليت الكون أسئلة

في أجمل من طلتك؟

#عبدالاله_العبدلي

..

ما نسيت..

لا تحسب سكوتي

ولا يغرك هدوئي

لا ما نسيت..

كل يوم أفكر فيك

ومن اللهفة ودي أجيك

بس ما اشتكيت!

#عبدالاله_العبدلي

..

كيف أوصلك؟

كيف أقول إنك سبب سعادتي

وأشكرك!

قرّبي شوي..

واتركي الباقي علي

يا غايبه عن النظر

كيف أوصلك؟ 

#عبدالاله_العبدلي

..

كنتي في عيني شي كبير

كنتي فرحة البصر للضرير

واليوم تغيرت كل الظروف

حملك ثقيل على الكتوف

بسألك هو عاجبك حالك؟

ولا ولا على بالك،،

#عبدالاله_العبدلي

..

قلت يمكن باكر،،

يرجع يعتذر 

وأنا أنتظر

طال باكر،،

ولا حكي ينقال

ولا هم ينشال

القلب عاف،،

والشي لا طال الرجا فيه

ينعاف!

#عبدالاله_العبدلي

..

وجهك مثل البدر،،

بغيابه تغيب النجوم

وصفك أحلى شعر،،

ينسّيني كل الهموم

ليلك أحلى سهر،،

مع كل هالغيوم

افهمي وش كثر محتاجك!

#عبدالاله_العبدلي

"صرت مزعج، صرت منهك"

..

كل ما جا الليل،،

ما غير أحاتي

زادت كتاباتي

حبيبي مشتاقلي؟

حبيبي محتاجلي؟

ولا ماني على باله

وشاف غيري يحلاله

ربي سهّل دروبه،،

#عبدالاله_العبدلي

..

وان سهى خاطري فيك،،

تمنيت أطوّل في خيالي

انت خيالي اللي أبيك،،

وأبيك تصير لي لحالي

#عبدالاله_العبدلي ✨

..

الله يالفجر البعيد،،

رجع شوقي من جديد

ما تغيّر شي

هذاني حي

بس كل يوم اشتاق

من بعد يوم الفراق

ويوم وصلت الفجر

زاد شوقي،،

#عبدالاله_العبدلي

..

فيها من أمي وصايف وكلام

فيها من أختـي أجـمـل مـلام

فيها من بنات الناس، رقه

وفيها من طيور الحب، السلام

عشقتها ووضّحت كل أسبابي!

#عبدالاله_العبدلي

..

أكبر أبواب أشتياقي

مفاتيحها صغيره

وأكثر ما شد انتباهي

مواعيد كثيره

بدون حضور

متى بتزور؟

في داخي زحمة حكي

ومشاعر كثيره

#عبدالاله_العبدلي

✨

سمعت الصوت،،

اثاري فيه بحّه

وفاتني الفوت،،

غصّيت بكحّه

قلت ليته طول الوقت مبحوح

بس يسّمعني صوته،،

بأي حزّه! 

#عبدالاله_العبدلي

✨

يا كثر ما سهى خاطري فيك ، ويا كثر ما قلت لليل وش كثر أبيك ، تعبت أطالع النجوم وأعدّها ، هذا حالي بدون ما يمر طاريك. #عبدالاله_العبدلي

✨💛

حبيبتي: بسمتك في عز ضيقي انشراح، ابتسمي لجل قلبٍ وده يشوفك سعيد، مع بسمتك انسى همومي واللي راح، على طول هالعمر المديد.

#عبدالاله_العبدلي

..

يا معودني دفا شمسك

ومعودني أجيك

لا تغيب،،

تعودت أسمع همسك

ظني فيك

لا يخيب،،

محتار أنا أشتاق ولا أكابر

ولا أخليك ذكرى شخص عابر!

#عبدالاله_العبدلي

..✨

تغفى المدينه..

وشوقـي لك ما ينـام!

تغرق سفينه..

والبحّار دايم ما يُلام!

تغـرق فـي مـداد البحـر

وحالي غير:

غرقت انا في حب بشـر

#عبدالاله_العبدلي

✨

الليله زاد اشتياقي،،

كنت معي كل يوم

وانسى كل الهموم

والليله..

لا حس ولا وجود

ذبلت كل الورود

وينك وأنا أتبعك

جاوبني أنا أسمعك!

#عبدالاله_العبدلي

"حيّرتني معاك"✨

..

ننصدم مره، وتاليها نخيب

فينا حره، من أفعالهم نشيب

مع مرور الوقت تعوّدنا

وعلى معادن البشر تعرّفنا

وصرنا على طبعهم ما نعيب!

#عبدالاله_العبدلي

"ارحلي"✨

..✨

على كثر ما قلت إني .. أبيك

أراجع أفكاري وأسحب كلامي

من اللهفة مرة ودي .. أجيك

ومره أبخل عليك حتى بسلامي

#عبدالاله_العبدلي

✨

تعودت أسمع همسك

تالي الليل!

وغاب اليوم حسك

شفت أنا الويل!

الحكي ما عاد حكي

والليل ما عاد ليل

ارجع حبيبي..

ما بقى فيني حيل! 

#عبدالاله_العبدلي

..✨

الشوق ما هو لك..

اشتقت لأيامنا

لأحزاننا،،

لأفراحنا،،

الشوق ما هو لك..

اشتقت للذكرى الجميله!

#عبدالاله_العبدلي

✨

السهر على كلامها غير ..

كنّي ملكت الكون قبل منامي !

#عبدالاله_العبدلي ✨

✨

عجزت أفهمك..

في يوم ترجين الوصال

وما تتركين للشك مجال

عجزت أفهمك..

تشتاقيـن للقـا وتهجريـن

وتنسين الماضي وتبعدين

#عبدالاله_العبدلي

✨

ابتعدتي كثير وفي غيابك ما أجملك، بعدك ما غيّر حبي ما خلاني أجهلك، يا غايبه عن النظر ودي بس اسألك، حبيبتي .. كيف أقدر أوصلك؟

#عبدالاله_العبدلي

✨

المشاعر في شوفك .. تنكتم

الكلام كله في حقك قليل،،

عمرك سمعت بعين .. تبتسم؟

لما تشوفك يا أحلى خليل،،

#عبدالاله_العبدلي ✨

..✨

غيابك علمني إن الدنيا دوّاره .. والحبيب في يوم يبقى غريب .. بعد ما كان أقرب قريب. #عبدالاله_العبدلي

✨

وان التقينا صدفه لا تجيني..

انسي اللي بيننا وكأنه أول لقا..

لا أعرفـك ولا كنّك تعرفينـي..

والحب اللي كان بيننـا انمحـى..✨

#عبدالاله_العبدلي

..✨

حكوا لك عنّي ..

وقالوا إني وإني .. 

وفي النهايه .. 

خذوك منّي ..

و خذلوك!

#عبدالاله_العبدلي ✨

✨

الله على أيامنا كيف كانت.. والحب الكبير وبشوفتك من الفرحه أطير..والحين كل واحد في بلد..ومحد يسأل على أحد..أنا بشوقي لك أسير✨

#عبدالاله_العبدلي

"اشتقت لك"✨

✨

إن سكت في موعد لقانا اعذريني 

ضاعت كل الحروف في هيبة لقاك 

وإن قصّرت في التعبير سامحيني 

أنـا بالحيـل أرتبـك لا لمحـت حـلاك✨

#عبدالاله_العبدلي

✨

الشـوق زاد فينـي..

ومن يروي حنيني؟

ودي إنـك تجينـي

ادعي ربـي دايـم

واسجد على جبيني

#عبدالاله_العبدلي ✨

"اسمع صدى صوتك"✨

"يا صاحبي تغيّرت"✨

✨

يغيـب الكـل إلا غيابــك

ابقى معي طول الدهر..

أنا ما صدقت الله جابك

قضيت ليلي كله سهر..

#عبدالاله_العبدلي

✨

وبعد الليل الطويل ولدربك المجفي أميل، هذا نهاري بدونك وبدون طلة عيونك، ومع الوقت يبان منهو فينا الأصيل..

#عبدالاله_العبدلي

✨

للفجر شوقي وحبيبي ما حضر

وأقول في نفسي يمكن غير نيّته

اسرح بألوانـه ويمكن طيفـه عبـر

اتخيل واتمنـى بأي لحظـه جيّتـه✨

#عبدالاله_العبدلي

"لا تكررين الخطأ وتطلبين السماح"✨

✨

ارجعي واختصري المسافة ما لنا غير بعض..

#عبدالاله_العبدلي ✨

✨

يغيب واحد ويعوّض مكانه واحد

كل غياب وله هدف وخيره..

لا يضرّك لو واحد لجميلك جاحد

الله خلق والله يجيب غيـره.. ✨

✨

تشرق الشمس وأنا أنتظر..

ليلي خلص ويا طول الصبر..

النفس عافت من هجرها!

بترجع بعد الغياب؟ ما يضر..

بقضي الليالي وأنا أنتظر✨

..✨

في الماضي .. كنت أبيك

وكنت أحبك .. ميت عليك

لكن بانت الخفايا مع الأيام

تنتظر الزلة؟ .. الزلة بتجيك

حبيبي روح .. ما عاد أبيك✨

✨

نشيل هم الأحباب..

وهم غافلين ما دروا عنّا!

نخلق لهم أسباب..

ونحسب وصالهم جنّه!

#عبدالاله_العبدلي ✨

✨

ليت الهجر ممنوع في شرع الأحبة

كل حبيب يبقى مع وصل حبيبه!

وليت العتاب ينفهم إنه حرص ومحبة

ما نترك بعض من أول مصيبه!

#عبدالاله_العبدلي ✨

✨

كل غلطة ولها تبرير..

وكل احساس يخونه التعبير

وكل قطاعة بعدها لقا..

تبقى المحبة وان زاد التقصير

#عبدالاله_العبدلي ✨

✨

ليه الجفا وكلنا نشتاق؟

وليه القطاعه؟ 

وما نحب طاري الفراق ..

وليه كل هذا يا صاحبي؟

والدنيا .. كل الدنيا أرزاق !

#عبدالاله_العبدلي ✨

..✨

ادري قلبك كبير..

وبترجع لي بعد الغياب

وهذا الكون الصغير..

ما يحتمل كثر العتاب

ارجع ولا تخيّب ظني..

ادري قلبك كبير!

ً#عبدالاله_العبدلي ✨

✨

ودي أرجع أحبك من جديد

أعيش عمرٍ على عمري مديد

عمر واحد ما يكفي حبك..

أنا كل يوم لقصة هواك أعيد

#عبدالاله_العبدلي ✨

✨

كل يوم قبل المنام..

اسأل نفسي متى اللقا يا بعيد؟

كل يوم نفس الملام..

ليه هجرني؟ ليه بطبعه عنيد؟

#عبدالاله_العبدلي ✨

✨

يا ذكرى عيّت تنمحي

يا وصـفٍ ما ينحكـي

متى بس ترجع ..

وترجع معاك بسمتي 

#عبدالاله_العبدلي ✨

✨

كلنا ناقصنا اهتمام..

ونحب اللي القدر ما يجيبه

وسط البشر ازدحام..

أحدٍ كفو وأحدٍ معرفته مصيبه

#عبدالاله_العبدلي ✨

"أحاول ابعد ، ويردّني الحنين"

..

احترت أنا فيك ..

أحيان أحسّك ممتلي عيوب

وأقول محبوبي جابلي الهلاك

وأحيان أحسّك بدون ذنوب

وأقـول محبوبـي مثـل الملاك 

#عبدالاله_العبدلي

..✨

في الليل..

كل شيٍ يذكّرني فيك

من لهفتي ودي أجيك

أذكر أيامنا، وكلام الحب!

وأقول: بكل عيوبك أبيك،،

#عبدالاله_العبدلي ✨

✨

حبيبتي..

قليل الوصل يغنيني عن كل الناس

احساسي يفوق وصف الإحساس

ما عاد يهمني رضاهم..

ليش أبيهم؟ وانتي عندي الأساس

#عبدالاله_العبدلي ✨

"قالوا الحب مات"

✨

ليت الغياب ينتهي بـ لقا ..

وليت الإشتياق ماله مكان

تعبنا وشفنا الهم والشقا ..

ارجع لنا يا أحلى زمان

#عبدالاله_العبدلي ✨

..✨

يا زمن..

إن كان ودك تبعدنا

ولبعض ما تجمعنا

طالبك صدفه..

صدفة، في أي مكان

صدفة، ترجّعلي الزمان

صدفة، تمليني حنان

#عبدالإله_العبدلي ✨

"لا تفسّر على كيفك"

✨

ليت العشق ممنوع

وليت الشوق ما له وجود!

والوفا اللي فينا مزروع

ما يقابله شخصٍ جحود!

نعيش براحة بال

ولا يتبدّل الحال

#عبدالاله_العبدلي ✨

حبيبتي ..

✨

يا غيمة عيّت تروي..

وعيّت تزول!

يا حبل عيّا يرخي..

وعيّا يطول!

احترت انا بطبعك..

ولغيمة وصلك،،

متى موعد الهطول؟

#عبدالاله_العبدلي ✨

✨

ليه أحس إني غريب في لقاك؟

وكل الحكي يموت في هيبتك..

حبيبي ما أتخيّل عمري بلاك!

ليتك تحس وش صار بغيبتك..

#عبدالاله_العبدلي ✨

✨

عفناك ياللي تنسى دروب وصالنا

دامك تتغلى خل التغلي ينفعك..

علـى كيفـك ترخـي وتشـد حبالنـا

بننثر غلاك وشف من يجمعك..

#عبدالاله_العبدلي ✨

وابتدى الصباح ..

✨

تمنيتك في خيالي وليتك ما تحققت .. وعرفت إن الخيال أجمل من مُر الحقيقة

#عبدالاله_العبدلي ✨

للنفس خطوط حمراء ..

..✨

صحيـح إنـي علـى البعـد راضـي

وصحيـح إنـي أكابـر لجـل أنسـاك

تمر من جنبي وأنا دايم متغاضي

وأقول في نفسي أقدر أعيش بلاك

#عبدالاله_العبدلي

..

ليتك تقرا يا مقصدي في الكلام 

وليتك تحس بالشوق اللي ذبحني

أكتـب شـوق ولا فـراق ولا مـلام

غيابك بدون سبب بالحيل جرحني

#عبدالاله_العبدلي

✨

تعبت أجامل لجل أكسب الرضا..

تعبت أخفي لأن الزمن غدّار!

يا زمن كل يوم ينقص فيهم وفا..

ويـا زمـن ذكّرهـم إنـك دوّار!

#عبدالاله_العبدلي ✨

✨

يا حبيبتي اتركي العالم وتعالي

نعيش أنا وياك قصة هوانا..

مابي العالم وانتي كلـك حلالـي

ومابي أحد يشاركنا غلانا..

#عبدالاله_العبدلي ✨

الإهتمام لا يكلّف شيئاً ولكن يعني الكثير للطرف الآخر ..

✨

يا غامضه! 

تعبت أجهلك..

تغيبين عن النظر 

وأتعب مع القمر

سهران بليلٍ طويل..

أحاول ألقى دليل..

يوصّلني لك!

#عبدالاله_العبدلي ✨

التبلد ..

ياهي صعبه ..

✨

وش خذينا من التغلّي؟

وش خذينا لا جينا نكابر..

نحسبها في الهوا تسلّي!

نخسر أي شخصٍ عابر..

#عبدالاله_العبدلي  ✨

✨

يا عسى صوتي يوصل لمكانك..

وتحس باللي ذابحه هالأنين!

تسمع كل بحّة شوق بيّنتها لك..

شوق حبك، شوق كل الحنين!

#عبدالاله_العبدلي ✨

✨

ليه تغيب لمجرد اختباري..

هل أنا بفقدك؟

أو أقدر أعيش بدونك!

ليه تعلقني وتعرف اعتباري..

مره أعجبك!

ومره احساسك يخونك!

#عبدالاله_العبدلي✨

لماذا تجبُر نفسك على ارتداء قناع مُزيّف؟

✨

ما شفت ابتسامتي لا مر طاريك؟

شفتني يوم أحكي للغريب عنك؟

أنا يا حبيبي بكل عيوبك شاريك!

أنا أزعل من كل العالم إلا منك

#عبدالاله_العبدلي

تكابر .. ✨

تكابر .. ودك تجيني

ما قلتها بالحكي! 

بس عيونك كلام!

وأنا .. ذبحني حنيني

كيف أشتكي؟

وما بيننا غير السلام!

#عبدالاله_العبدلي ✨

✨

صحيح احنا افترقنا..

لكن مستحيل أنسى،، 

كم ذكرى جميله!

صحيح احنا ابتعدنا..

لكن مستحيل أقسى،،

على العشره الطويله!

#عبدالاله_العبدلي  ✨

✨

يصير أحبك وما اسأل عليك؟

يصير اشتاقلك وانت مو حلالي!

أتمنى يا حبيبي لمسة ايديك..

متى القدر يجمعنا وتصفالي؟

#عبدالاله_العبدلي  ✨

✨

شايف المسافة وش بعدها بيننا؟

اشتقت لك كبرها اللي فرّقتنا..

#عبدالاله_العبدلي  ✨

✨

تذكر كيف كنّا؟

كل واحدٍ فينا يكمّل الثاني!

والحين كيف صرنا..

كل واحد يتغاضى بالعاني!

#عبدالاله_العبدلي  ✨

✨

العيوب يشوفونها نقص فيك..

وأنا أشوف الكمال بعيوبك!

حبيبي، أنا بكل عيوبك أبيك..

أزعّلهم كلهم .. بس لعيونك!

#عبدالاله_العبدلي  ✨

✨

شفتوني سعيد؟

اسألوني من سبب بسمتي

ما من جديد..

من بسمتها .. تصنع فرحتي

من غيرها حبيبتي؟

#عبدالاله_العبدلي  ✨

✨

صد بلا سبب؟ باكر يجيك ..

ما تدوم القطاعه بصادق الوصل

نساك اليوم؟ باكر يرجع يبيك ..

مو على كيفه يرخي ويشد الحبل

#عبدالاله_العبدلي ✨

✨

السهر على كلامها غير ..

كنّي ملكت الكون قبل منامي !

#عبدالاله_العبدلي ✨

في البدايه ..

تمر علينا فتره "لا نُبالي" فأبعدوا عنا سوء الطن!

الصيف قرّب ينتهي ..

ليس على الدنيا خلود ، ليس على الدنيا بقاء

في خاطري شوي ودّي أقوله ..