..

والله أكابر وأدري إني ضعيف

ما زلت أشتاق ، وأبكي وأحِن !

كل ما مرّيت من ذاك الرصيف

أسأل وأقول: ليه برجعته يمِن ؟!

#عبدالاله_العبدلي ✨

..

تلوّث اسم الحب ،، بفعايلكم

محدٍ قادر يضحّي ، ويتنازل

تعيبون ،، وما شفتوا عمايلكم

محدٍ مع حبيبه ، قادر يتعامل

#عبدالاله_العبدلي ✨

..

أنا نصّك..

وفيك أكمل!

وفيني تصبحي كلّك..

من لي غيرك؟

يا حبي الأجمل!

وغيري انتي من لك؟

 

#عبدالاله_العبدلي ✨

..

اشتاق كثير..

رغم إني عارف!

وش نهاية المصير..

السهر صار عاده

القلب ما خذا مراده

مدري باكر وش يصير؟

#عبدالاله_العبدلي ✨

وش حيلتي؟

وش حيلتي؟

لا شفت عيوبك كمال

ما عطيت غيرك مجال

الله كمّلك والله عطاك!

انت يا السحر الحلال

وإن قالوا وش وصوفك

في حبيبك وش ميولك؟

وش تتمنى ،، عيونك؟

قلت أنت أكبر مثال ❤️..

عبدالإله العبدلي.

يا عين يكفي..

يا عين يكفي سهر ،، وأغفي

ما عاد تفيدك الذكرى الحين

الدمع بلّل ثيابي والله يكفي

ويا دمع: لا تطيح من العين

قلبي وش بلاه يتبع المجفي؟

وش بلاه يرد الشين بـ زين!

عـبدالإله العبدلي.

..

أنا أحتري هالبشر ، تغفى

وأكتب قصيدي لذاك البعيد

وأقول لليل : تكفى ، وتكفى

استر على تفاصيل القصيد

#عبدالاله_العبدلي ✨

..

أنا وش لي غير كتاباتك

أقراها كل يوم ،، قبل أنام

وكل الخيال يجيب ذاتك

وأبقى أحبك ،، رغم الملام

#عبدالاله_العبدلي ✨

..

غيب عني ،، وطوّل بالغياب

وخذ راحتك لين تمِل الهجر

بعذرك ،، ومع كل الأسباب

وبحتري لين يمِلّني الصبر

#عبدالاله_العبدلي ✨

..

تحملّنا ثم صبرنا وما شكينا

وقابلنا كل شين ، بحسن نيّه

تغاضينا ثم تبلّدنا ثم رضينا

وما عاد تغرينا روحه ، وجيّه

#عبدالاله_العبدلي ✨

..

بكيت خوف..

من باكر لا يجي!

وما نتلامس الكفوف

وجا باكر بدونك

قضيته كله بدونك

بدون طلّة عيونك

وأتأمل صورتك بالرفوف!

#عبدالاله_العبدلي ✨

..

غريبة القطاعه بعد طول الوصِل

وغريب التغاضي: بعد الإهتمام

وغريب اللي يبدا يرجع .. يمِل

وما يحسب حساب حب وغرام

#عبدالاله_العبدلي ✨

..

أعماني ربي عن كل العيوب

وغضّ عيني ، عن كل الملا..

عن حبك ، والله صعب أتوب

إما قُرب حبيبتي وإلا فلا..

#عبدالاله_العبدلي ✨

..

يا ضي عيني..

كل ما أبتعد عنك

صعب أبطّل أعشقك

وإذا عيني..

غضّت بصرها عنك

يخذلني قلبي ويتبعك!

#عبدالاله_العبدلي ✨

..

الدنيا تاخذ ، وتعطي أحباب

ومع الوقت يتبدّل كل غالي..

من كانوا أمس معنا أصحاب

اليوم يمر واحدٍ وما نبالي..

#عبدالاله_العبدلي ✨

..

الدنيا تاخذ ، وتعطي أحباب

ومع الوقت يتبدّل كل غالي..

من كانوا أمس معنا أصحاب

اليوم يمر واحدٍ وما نبالي..

#عبدالاله_العبدلي ✨

افترقنا..

آخر الأيام..

بانت ملامح غياب

وإخلاف كل الوعود

تغيّرنا عن أيام زمان

وتغيّر، كل اللي كان 

يقتلني ذاك البرود!

افترقنا..

وصرت أردّد:

ليته يعود ، ليته يعود

ما بقى فيني صمود

فرّقتنا ظروف الدنيا!

وبانت ابتسامة حسود

عـبدالإله العبدلي.

..

كان الفراق يرضيك!

توكلّي على الله..

وما أظن أببكيك!

لأنك خنتي وعودك..

#عبدالاله_العبدلي ✨

..

تمر الأيام .. وتلحقها أيام

والشوق في كل لحظه يزيد

وأحلم .. وما ورى هالأحلام

غير واقع مُر .. إنك بعيد

#عبدالاله_العبدلي ✨

..

لا تهددّني بالغياب..

وانت بالوصل مقصّر

بتغيب ؟ الله معك ..

ما انخلقت لجل أتبعك!

#عبدالاله_العبدلي ✨

..

افترقنا..

وصرت أردّد:

ليته يعود ، ليته يعود

ما بقى فيني صمود

فرّقتنا ظروف الدنيا!

وبانت ابتسامة حسود

#عبدالاله_العبدلي ✨

..

انتي أكبر من رضا..

وأكبر من قبول!

ما بين أرضي والفضا

صرت أردد وأقول:

ما على غيرك ميول..

وإن جاني غيرك أرفضه

#عبدالاله_العبدلي ✨

..

في غيابك..

يجف القلم!

وأوراقي غدت ، بيضه

قلم يحتري من يغيضه

ويستمر الألم!

بس في غيابك..

#عبدالاله_العبدلي ✨

..

عندك توقف حايره كل الجمل

صعب الوصف صعب التعبير

وبحضورك ، ينتهي كل الملل

منك بس أقبل عتاب وتقصير

#عبدالاله_العبدلي ✨

..

وفي نهاية اليوم..

مسك الختام!

لا تغفي مهموم..

ومن أحد ، لا تنتظر

والمنبه لصلاة الفجر

وانوي المنام!

#عبدالاله_العبدلي ✨

..

يكفي يا حاسد تنتظر الزلّة..

مردّي بخطي وسجّل عندك!

راقبني بس تدري وش العِلّة؟

ما راح أوقف مشواري منك!

#عبدالاله_العبدلي ✨

أجمل تذكار ..

مابين زاويه وبرواز على .. رف

صوره رسمتها "أجـمـل تذكـار"

زاد شوقي وحبر القلم .. جف

ضعت في أوراقي والقلب احتار

وأنا أكتب أوقف عند كل حرف

مدري وش أوصـف ووش أختـار

والألم كـل يوم يزيد .. ماخف 

مدري وش النهاية وجهلت الأسرار

غديت أمد كفّي بالوهم .. لـ كـف

لجل أعيش القصة داخل الأسـوار

ذكرياتي قدامي صـفّوا .. بصف

كيف هجرتني والله يا قلبك جبّار

كنّك تغني وتزف جروحي .. زف

ولا همّـك حبيبك ولا آخر الأخبـار

صحيح مرّينا بمليون ظرف وظرف

لكن تخطّيناها بطيبه ورد اعتبـار

وش اللي غيّر حبنا وخوفنا والترف

وش اللي بدّل نعيم الحب لـ نـار؟

حتى ألبوم الصور تركني .. ولف

مكتوب بكل صوره مجافي ولا زار

في النهايـة الزمـن لقصتي .. ظف

وانتهى حبنـا وانقفـل عليـه الستـار

                                          عبدالإله العبدلي.

وأنا المسؤول عن ذلك..

يحين موعد خلودها إلى النوم..

وتضع رأسها على الوسادة!

ولا تعلم من يفكر بها بنفس اللحظه

ومن يسهر من أجلها..

ومن أجل صباح أفضل

ويرتّب سيناريو أجمل

لكي تستيقظ بإبتسامه!!

ولو أني لا أراها ولكن أشعر بها 

وبمجرد شعوري بها ، أبتسم معها 

فهي الحب في الغياب..

قبل الحضور واللقاء!

ضعي رأسك وأخلدي إلى النوم

ولا تفكرين بشيء يُقلقك!

ستجدين ما يسرّك عندما تستيقظين!

وأنا المسؤول عن ذلك، أحبك ❤️.. 

                                   عبدالإله العبدلي. 

..

..

مرّني.. 

أخلق لك عذر

تعال وضمنّي!

أدري إنك منت لي 

لكن اغلط مره..

ومن أحبابك عدّني!

مرّني..

ومن تفاصيل يومك

يا حبيبي خلّني!

وإن ما صفا وقتك 

أنا لك سند..

وعلى يمينك حطنّي!

وإن حصل لي غيرك 

ما شدّني!

لأن قلبي معاك..

وفي غيابك..

غيرك أبد ما همنّي!

                        عبدالإله العبدلي.

..

قرّبي شوي..

أبسرقك من ناسك

وآخذ من وقتك شوي!

انتي بس .. تعالي

واملي قلبي الخالي

واتركي الباقي علي!

#عبدالاله_العبدلي ✨

..

يا قاسيه..

قدرك عيّا يشين!

تعبت أقول : عسى

ما ودك هذا القسى

في يوم إنه يلين!

#عبدالاله_العبدلي ✨

..

يا كلام الليل

يا أصدق سهر

معاك ، ليلي طال

وحظي معك مال

ما اهتنا لي بال

يا طول الليل

وما جا خبر !

#عبدالاله_العبدلي ✨

..

الناس أجناس!

وكلهم يجيبون الشقا

لا تبالي بالناس..

يغيبون بدون أسباب

قد قالوا: الدنيا غياب

وحدها الجنة ، لقا!

#عبدالاله_العبدلي ✨

..

بعيد عن عيني..

وأقرب من الكل!

وينه هو وويني..

مقيّد ، أنا فيه

ولا أقدر أجيه!

أبي منه الحِل..

#عبدالاله_العبدلي ✨

..

تحرق مثل شمس الظهر غيرتي

وشوقي مثل براد الليل ، مُزعج

ما بين شتا وربيع ، هذي ديرتي

وبين جفا ووصل موقفي مُحرج

#عبدالاله_العبدلي ✨

..

اضحك ، لين تغيض حاسدك

وعلمّه إنك بالشدايد ما تطيح

وعامله ، زي ما يحب يعاملك

وعلمّه: ما يصح إلا الصحيح

#عبدالاله_العبدلي ✨

..

يا ليلي المُؤلم..

لا تعيد لي الذكرى

هجرني وما خذيت عبره

يكفي من فراقه ما أنام!

وكل ليله أحتري بكرا

#عبدالاله_العبدلي ✨

..

لو عقارب الساعة حكمها بيدي

كان أوقّفها .. في ساعة لقاك 

شوفتك .. هي بسمتي وعيدي

ثالث أعيادي ، يا أجمل ملاك

#عبدالاله_العبدلي ✨

..

أسقيت روحي بعد طول الظما

وينك من أول تحقّق لي أحلامي

ورجّعت لي النظر ، بعد العما

وبعين الرضا أشوفك كل أيامي

#عبدالاله_العبدلي ✨

..

يا زحمة الشوق داخل أعماقي

ويا كثرهم ، اللي فرّقهم الزمان

وافي في زمننا ، وين أبلاقي؟

ويا دنيا .. نسيت مالك أمان

#عبدالاله_العبدلي ✨

..

يا كبر الشوق ، ويا قلة الحيلة

ويا شين هجرك وأنت أدرى به

ويا طول الليل ، ومن أشكيله؟

دخيلك يوم اللقا لا تصد بابه

#عبدالاله_العبدلي ✨

..

هي على فراقها .. أصرّت

وما زالت ، تبرّر لي وتشرح

حسبي على ذكراها لا مرّت

دمعة عقب ابتسامة ، تجرح

#عبدالاله_العبدلي ✨

..

كيف أنا أكسر فيني صمتي ؟

كيف أحكي وفي داخلي غصّه

كيف أنا أعاند قاسي وقتي ؟

وما بقى من جسمي إلا نصّه

#عبدالاله_العبدلي ✨

..

شوفي نفسك ، في المرايا

واعذريني لا طالت نظرتي

#عبدالاله_العبدلي ✨

..

لا تتعمّق معاي وآخرك تجهله

لا تبني داخلي حبك وتهدمني

لا يزيد الشك وتغرق بالأسئله

حب التملّك صعب به تملكني

#عبدالاله_العبدلي ✨

ألا ليت قلبي!

..

لمحته عابر وأربكتني الصدفه

خجلت أبادر ، وعيوني غضّت

مرّ وتغاضى ، وأنا كلّي لهفه

صدفه من طرف واحد ومرّت

عبدالاله العبدلي.

..

جفّ حبري..

طويلة الأيام بغيابك

وآه يا كبر صبري!

مليت من السهر

الثانية كنها شهر

بحتريك لو دهر!

وأكتب لك بشعري..

عبدالاله العبدلي.

..

من كثر ما طاحوا من العين .. غالين

جفّ دمعي وما عدت أبكي على أحد

عبدالإله العبدلي.

..

لا تتركني..

لـ الليل والشوق!

تعال واقطع جفاك

تعال وأسهر معاك

ومن ليلي خذني!

لا تتركني..

عبدالاله العبدلي.

..

مرّني..

اخلق لك عذر

تعال ، وضمنّي

أدري إنك منت لي

لكن اغلط مره..

ومن أحبابك عدنّي!

عبدالاله العبدلي.

..

 أنا اللي بغيابه أشتاق وأسهر

وهو في دنيته متهنّي ، ونسى

كل ما زاد الغياب ينسى أكثر

وأنا أحتريه وأقول لعلّ وعسى

عبدالإله العبدلي.

..

خذيت من هجر خلّي درس..

الوفا مهما يطول تاليه غدره

والطيب اللي غرسته غرس..

غدى مع سود الليالي نكره

عبدالإله العبدلي.

..

 لا قسى علي الوقت 

وغلبتني كل الظروف

بين الحكي والكبت

ضاعت كل الحروف

انفرض علي الصمت

وعيني عيّت تشوف

عبدالإله العبدلي.

..

أحيان أقرّر إني أبتعد وأتبعك

أراقبك من بعيد وأخاف عليك!

أكابر وأعاند نفسي وأخسرك

وباكر أندم وأتمنى لو أجيك!

عبدالإله العبدلي.

..

لا يهزّك غياب ولا يتعبك صدود

سطّح علاقاتك مع الناس تسلم

وإذا الشوق تعدّى كل الحدود

ابعد عنك القلم لا تكتب وتندم

عبدالإله العبدلي.

..

تغيّر الحال..

ما صرت مني قريب

في شي عني يغيب

ما عدت الأولي!

أشوفك يا خلّي غريب

عبدالإله العبدلي.