❤️

..

تعبت أتغاضى وأكابر

تعبت ،، أغار من بعيد

تعبت من كتم المشاعر

و أبيّن إنّي ،، سعيـد

#عبدالاله_العبدلي ✨

..

يمر اسمك : في سوالفهم

ويروح قلبي وعقلي ، معاك!

وأطالع تفاصيل ملامحهم

مابي أحدٍ يتبسّم بـ ذكراك!

#عبدالاله_العبدلي ✨

..

قالوا : أصدق الشعر أكذبه

وقصايدي من الكذب سالمه

صادق ، في كل شي أكتبه

شـاعـرٍ ،، ولـه جـوّه وعالمه

#عبدالاله_العبدلي ✨

..

يا ذاك الجمال البعيد..

أسأل الصدفة هل من جديد؟

والحظ لا يخدمني كي ألقاك!

حتماً هو يقتُلني من الوريد..

#عبدالاله_العبدلي

..

عطني سبب..

واقنعني بـ عذر!

وابشر..

باللي يصون أيامك!

لكن تستغفلني..

وتخلّيني على صبر

صعب ، أتقبّل غيابك!

#عبدالاله_العبدلي ✨

..

لا تجيني..

وأنت عارف مبتغاك!

والله رخيص..

تروح بعد تاخذ حاجتك

وترجع تسألني!

قاطع ، وش بلاك؟

أبد ولا شي ،، سلامتك

#عبدالاله_العبدلي ✨

❤️

إن تلفّت اعرف إنّي:

أدوّرك بين الحضور

إن قريت شعر مّني:

اسمك بين السطور

وإن قالوا ، التمنّي:

قلت : ليته لو يزور

#عبدالاله_العبدلي 

..

يا ليلي المُؤلم ،، ويا عتمة الضيّ

اشرقي يا شمس حرّري أفكاري

يا همي موّتني ، وأنا باقي حي

والليل: كشف ضعفي وأسراري

#عبدالاله_العبدلي ✨

..

غريب الزمن يا صاح..

وغريب تناقض هالروح!

الصبر للفرح مفتاح..

والفرج بدون الصبر يروح..

مابه موجود ، مرتاح

كلٍ من دنيته مجروح!

لا تغرق في بحر الجراح

ابتسم وتطيب الروح..

عبدالإله العبدلي.

..

بإسم كل شيء .. لك تعبير

ومن التناقضات ،، أنت مُمتلئ !

بإسم الحب : أُناديك "تعال"

وبإسم الهجر : حالي مُشفق

وبإسم العشق : هذا احتيال

وبإسم السهر : جداً مُرهق

وبإسم الرغبة : صعب المنال

وبإسم الأمل : غير مُشرق

وبإسم الغموض : سحرٌ حلال

وبإسم الغيرة : ناري تُحرِق

وبإسم الكبرياء : يجب الإرتحال

وبإسم الغباء : نجمي ما زال يُبرق

وبإسم التملّك : ليس لي مجال

وبإسم القلب : هو لهُ يُسرِق 

عـبدالإله العبدلي.

..

ما عاد للرضا علاقةٍ بالصمت

النفس لو ما حكت والله تموت

تغيّرت الأطباع ، وتبدّل الوقت

الناس تشوف الضعف سكوت

#عبدالاله_العبدلي ✨

..

يا كثر الأعذار والغياب واحد

ويا كثر الكلام والأفعال عدم..

#عبدالاله_العبدلي ✨

..

مسامحك!

وخذ راحتك بالرحيل

بس لا تنسى..

تاخذ الذكرى معك!

وقلبي :

ما عاد لك يميل!

روح ،، والله مسامحك

#عبدالاله_العبدلي ✨

..

غريبة الناس..

غريبة هالصفات!

أتعبونا..

ملّينا لهم ،، نتعذّر

صارت الحين!

من سابع المستحيلات

تلقى لك ناس “ما تتغيّر”

#عبدالاله_العبدلي ✨

..

كانت قويّة..

وبكلامهم ما تهتم!

وتتغاضى..

ما يهمّها إلا وجودي

لكن الناس!

محدٍ منها ، يسلم!

أبعدوها وشوّهوا وعودي..

#عبدالاله_العبدلي ✨

..

حبيتك أنتِ..

ورضيت بأقداري!

وعن غيرك:

قلبي والله ،، ممتنع

هويتك أنتِ..

وكشفت أسراري!

فيك راضي ،، ومقتنع

#عبدالاله_العبدلي ✨

..

العين تخفي انكسار القلب

والبسمة .. تبيّن إني بخير 

وأتظاهر إني قوي وصلب

أقول بخير .. وماني بخير

#عبدالاله_العبدلي ✨

..

وش بلا الناس ما تلزم أماكنها؟

الفضول وصل لأقصى الخفايا

بـ عيوبها تمحي كل محاسنها!

وأبشّرك قامت تدخل بـ النوايا

#عبدالاله_العبدلي ✨

❤️

بعد منتصف الليل: هو وقت النوْم

قبل أن تُغمضي عينيك ، أريد شيئاً

أن تقرأي ما تيسّر لك من القرآن..

لكي يُبعد عنك عيون الحاسدين..

هاهو الآن وقتك ، وقت النوْم..

وأنا كل تفكيري بك ، ولا يهمني القوْم!

وسأقرأ ما تيسّر لي من القرآن..

ليس لي فقط بل لكي أنت أيضاً!

وأُصبح على انتظار يوم غدٍ .. 

لكي أعود وأتحدث معك ، بكل لهفة

لكي تعود لي الحياة ، ولو بصدفة

حبيبتي ، لا تنسي ما أمرتك به..

فأنتِ جميلتي والحاسدين كثيرين!

اخلدي إلى النوم وأنا سأراقب ملاكي❤️

حبيبتي ، لا تُطيلِ في النوم .. 

أحتاجك غداً ، اشتقت لك من الآن!

عبدالإله العبدلي.

..

بشرّه وخيره..

راح .. وانولد الجراح

ظنيت إنه بـ يطيب

طاب الزمن..

وما طابت الجراح!

يا زمن علّم قلبي:

إن اللي راح ،، راح

غابت البسمة..

وغابت الأفراح!

يالله عسى العوض 

ويالله إنها ،، خيره

بشرّه وخيره .. 

راح ..

وطاب الزمن 

وما طابت الجراح

عبدالإله العبدلي.

..

باقي تكابر؟

خذ راحتك بالغرور

وتغلّى..

وأنا بحتري باكر!

لين ما أتجاوزك

ويذبل الشعور..

وأقول عافك الخاطر!

#عبدالاله_العبدلي ✨

..

لحظة شوي..

من تقصد بشِعرك؟

وشوقك..

لا يكون للشخص الخطا

وأنا غافل..

دايم على خبرك!

كل يوم أزيد بـ العطا..

#عبدالاله_العبدلي ✨

..

بطّل تزور الليل ..

ويقترب موعد رقادي

وأنام والحلم يجيبك

وأصحى ما ألاقيك

بطّل تزور الليل ..

#عبدالاله_العبدلي ✨

..

لو قسى علي الوقت!

ما هجرتك ، ما نسيتك

ولو طال بيننا الصمت!

بالوصل ، ياما رجيتك

#عبدالاله_العبدلي ✨

..

علمتني الدنيا..

للراحة ما أحب!

ولا أسمح..

لقلبي إنه "يميل"

ننخدع في البداية

يلوثون اسم الحب!

ونهايتهم كلهم "رحيل"

#عبدالاله_العبدلي✨

..

على خبرك..

طويل هالليل

كئيب هالليل

وأنا أحتري وصلك!

#عبدالاله_العبدلي ✨

..

ليه اللي خذا بالقلب مكان

تالي الوقت يطيح من العين؟

وليه نبكي من غدر الزمان؟

وحكمة الله ،، فوق كل شين

#عبدالاله_العبدلي ✨

..

ما يُجمّل الكلام : أن يُترجم بالأفعال

وما يُجمّل الأفعال : أن تأتي بدون كلام

#عبدالاله_العبدلي

..

لا يلمحك عابر!

ولا يشوفك قريب..

ولا بعيد،،

واترك الناس لبعضها!

واملكني وحدي..

اكسبني حبيب!

واترك الليالي وسهرها..

#عبدالاله_العبدلي ✨

❤️

لا تُحاولِ أن تُرضيني..

بإبعاد بعض العابرين!

فإني أحسد الكُل ،، الكُل بلا إستثناء

وأغار من الكُل ،، الكُل بلا إستثناء

إن كنتِ تُريدين أن أرضى فعلاً!

فيجب أن تسمحي لي بشيء:

أن أضعك في قلبي..

وأقفل عليك ،، ونعيش سوياً

بعيداً عن زحام البشر ..

لا أحد يرى ابتسامتك!

أو يسمع كلامك..

أو يلمس يداك..

فقط أنا وأنتِ ولا أحد ثالثنا!

حينها أفكر أن أرضى..

إذا لم أكن أغار من قلبي أنه بجانبك❤️

عبدالإله بن أحمد العبدلي.

..

قالوا اللي يغيب يقل بالحيل قدره

وقدرك في عيوني ،، عيّا يشين !

#عبدالاله_العبدلي ✨

..

ليه أكابر؟

وأكتم الشعور!

وأتغاضى..

وبضعفي أنا أدري،،

وأتصنّع..

لا مُبالاتي بالحضور!

وأكتم الشوق بصدري،،

#عبدالاله_العبدلي ✨

..

يا قوّ هالليل..

ويا طوله علينا!

ليه نضعف ويهزمنا؟

بين ذكرى واشتياق!

يا ليت لو بـ ايدينا..

والحظ لو مرّه ينصفنا!

#عبدالاله_العبدلي ✨

..

من يردّني لا تغزّلت فيك؟

يا زين أيامي ،، والحظ !

ومن يلومني لا قلت أبيك؟

يا جنة الله ،، على الأرض

#عبدالاله_العبدلي ✨

..

في برودك حكاية..

وفي كبريائي ظلم!

وبالنهاية:

محدٍ أخذ اللي يبيه

نتمنى ونطمح..

وفي الآخر ،، حلم!

لا هو جاني ولا بجيه

#عبدالاله_العبدلي ✨

❤️

..

كل ليلة نفس الحكي..

نسهر ،، ونشتاق

ونغرق في البكي..

والنوم هجر الجفون!

والدمع أرهق العيون!

كل ليلة نفس الحكي..

ما نلقى أحد له نشتكي..

عبدالإله العبدلي.

..

تذكر البارح؟

جاب الله مطر

الغيم ونسيم الهوا

كتبتك في سطر!

وأنا كنت سارح

يا أجمل من عرفت

سألتك وعطني خبر

تذكر البارح؟

#عبدالاله_العبدلي

..

غضّ العيون عن غيري

وامنع قلبك يهتوي ثاني

لا تخرج أبد عن سيري

وتجاهل العذول بالعاني

#عبدالاله_العبدلي ✨

..

طالت الغيبه ،، وما وصلني خبر

تعبت أسهر الليل أحتري بشاره

على هالحال: لي أكثر من شهر

وعلى هالغياب ،، ما قل مقداره

#عبدالاله_العبدلي ✨

..

ليه أشكي الضيق وانتي قريبه؟

كيف أحزن وانتي نعمة ربّي..

ليه أطلب ،، وعندي مثلك حبيبه؟

يكفيني انتي يا منوتي وحبّي..

#عبدالاله_العبدلي ✨

..

أنا أبكي..

على الليالي!

وأنا أشكي..

يرتاح بالي!

بـ كتابة شِعري

ووسادتي وعطري

وإن جبرني الشوق

صعبٍ علي أحكي..

#عبدالاله_العبدلي ✨