..

يا وقت..

حس بالمشتاق ، وعذابه

اللي أتعبه حبيبه بغيابه

متى موعد اللقا ؟

الشتا بدا يقفل أبوابه..

#عبدالاله_العبدلي 

..

ليه كل ما ألقاك يزيد الصمت

وليه أرتبك كل ما بديت أتكلّم

ليه وأنا معاك ما أحس بالوقت

ليه أخجل .. ومنك ما أتعلّم؟

#عبدالاله_العبدلي

..

بتغيب عن دنيتي، يا الغالي

بتغيب وبتطفي لك كل شمع

بقول ابعد وانت شاغل بالي

والعين: تحبس وتكابر الدمع

#عبدالاله_العبدلي

..

 لا ترمشي يا عين وهي قبالك
حبيبتي ما أمل من عيونها

ولا يخطر ولا شي على بالك
جميله في حكيها وسكونها

#عبدالاله_العبدلي ✨

..

بنت الناس أصونك مثل أختي
وما أردّك دام الله لدنيتي جابك
أنا ما حبيتك لجل أضيّع وقتي
أنا حبيتك لجل أجي وأدق بابك

#عبدالاله_العبدلي ✨

..

يا قلبي ليه كذا تتعب نفسك
ودايم تتبعه ، حتى في غيابه
وأنت إذا في يوم غاب حسّك
ما جا يسأل، ولا شوقه جابه

#عبدالاله_العبدلي ✨

..

كل زوايا المدينة ، تذّكرني فيك
تعبت أدوّر مكان ما به ذكرى
لازم إني أترك المدينة ، وأجيك
لأن جروحي والله عيّت تبرى

#عبدالاله_العبدلي ✨

..

لا تجيب لي: طاري الغياب
أوله تكابر .. وآخره تشتاق
أخذ غالين ، و فرّق أحباب
يا شينه من درب ما ينطاق
#عبدالاله_العبدلي ✨

..

صاحبي تكفى لا تعتب علي
ولا يهمك غيابي ولا حضوري
والله ، أحيان أموت وأنا حي
وأحيان أنا ما أفهم شعوري
#عبدالاله_العبدلي ✨

..

يا صاحبي..
خلنا كذا .. دايم أحباب
لا تجيب ، طاري الغياب
أوله مكابر وآخره شقا !
أخذ غالين ، وفرّق أحباب
#عبدالاله_العبدلي ✨

..

غرقت بحبك: وقهرت المتفارقين
كيفي قلبي بالمحبة منك امتلى
هذا حالهم وصار فيني الحين
والله نسيت إن من عاب ابتلى
#عبدالاله_العبدلي ✨

..

 تتعذّر بفراقك وتقول : انسى !
غيابك والنسيان صعب يجتمعون

#عبدالاله_العبدلي ✨

..

 تغيب .. لجل تعرف قيمتك
وإن ما سألت قلت ما يبيني أنا ..
لا شفتك نويت بغيبتك
قلت دام ما سأل ما يعنيني
#عبدالاله_العبدلي ✨

..

حبيبتي..
لا يغرك عتابي وملامي
كل يوم يزيد لك غرامي
وإن جابوا طاري غيرك!
كلهم غدوا بس أسامي
#عبدالاله_العبدلي ✨

..

الليله..
يوم موعدنا وطال الصبر!
الوقت يسرقنا بيطل الفجر!
والليله.. بقضّيها بس أنتظر
ويا طول الليله!
#عبدالاله_العبدلي ✨

..

يا زين الصباح!
بس وأنا أسمعك..
يمهّد لي يوم جميل معاك،
يا أعز خليل ولا أقدر أشبعك..
ولا لغيرك أميل!
#عبدالاله_العبدلي ✨

..

يا غايبٍ عني..
شهر ، والسنة تكمل
ولكل ليالينا ، تشمل
تعبت وصرت أقول:
يمكن بـ غيابه أجمل
#عبدالاله_العبدلي ✨

..

قنوع أنا، إلا بحبك أناني
أبيك وحدك وبدون شريك
إن ما تركت الملا عشاني
أنا بترك ناسي، وأجيك
#عبدالاله_العبدلي ❤️

❤️

الحب لك كل يوم..

يفزّ قلبي لك غرام

كل ليله ، وكل عام

يزيد الحب والعشق!

قلوبنا طاهره صدق!

ونتقاسم كل الأحلام..

عـبدالإله العبدلي.

..

لا تكتبين ردّك..

أنا أكتب لك كل يوم

والقلب عنك ، يصوم

أبي لقا يرجّع البسمه!

وأبي صوت ينسّيني هموم

عبدالإله العبدلي.

..

احكي وتسمع لك كل الرياض

احكي ما في أجمل من حكيك

حبك يسري في نهر ، وفاض

أسقى روحي الظاميه لوصلك

عبدالإله العبدلي.

..

في غيابك: كل الملامح تشبهك

أضيع وأقول كيف أنا بتحمّل؟

 

أقول يمكن صدفة مني تقرّبك

مع كل عابر يمر أوقف وأتأمّل

عبدالإله العبدلي.

..

ما أنكر إنه كان حلمي

وإنه كان كل اللي أبيه..

لكن عيّت النفس تبغيه..

عزّيت نفسي وقلت:

اللي ما يبينا ما نبيه!

عبدالإله العبدلي.

..

ليه أنا أضيع وأرتبك من ألمحك

وأقضي كل الوقت: أتأمل فيك

ليه الكلام كله يبقى على المحك

أعجز وأرتّب كلام يقدر يوفيك

عبدالإله العبدلي.

..

متفارقين أنا وياك من حيننا!

حكم الدنيا ولأقدارها سلّمتنا

شايفه بُعد المسافة اللي بيننا؟

اشتقت لك كبرها اللي فرّقتنا

عبدالإله العبدلي.

..

دامك نويت الغياب ، لا تعتذر

دامك أقفيت الله يسهّل دروبك

ولا تحاول تتأسّف ، ولا تنتظر

والله ما أعود لو تقوّم حروبك

عبدالإله العبدلي.

..

يا ليله من الماضي

أتعبتي أمس وباكر

عايش لجل ، تتكرّر

ومن الذكرى أتحرّر

وأحتري باكر

صبري على الماضي

خايف على الفاضي

عبدالإله العبدلي.

..

كم سولفت لليل وش كثر أبيك

وكم شكيت لوسادتي والسهر

وكم سألتك وينك ؟ وأنا أجيك

وكم مت في حيرتي .. والقهر

عبدالإله العبدلي.

..

حبها اللي في قلبي سكن

حبيبتي ومحدٍ عنها ينوب

وإن كان حبها: غلطة زمن

أنا عن حبها والله ما أتوب 

عبدالإله العبدلي.

..

يا عيون البشر..

لا تلمحين حبيبتي

لا تسرقين النظر..

اتركوها ، لي وحدي

خارج السرب غردي

مال النجوم ومال القمر؟

عبدالإله العبدلي.

صاحبي .. غابت عنك العافيه #عبدالاله_العبدلي

صدفه.. #عبدالاله_العبدلي

..

ما يهم أنا بخلق لك الأعذار..
بس انتي قرّري إنك ترجعين
ولهان أنا على آخر الأخبار..
إلى متى ولكل عابر تشبهين؟

#عبدالاله_العبدلي ✨

..

ليه يا غايبه ما تردّين السلام
حتى لو افترقنا تبقى المحبة
ولو انتهى بيننا ، كل الكلام
ما يردّ الحبيب أحدٍ يحبه

#عبدالاله_العبدلي ✨

..

وعلى هالحال : أنتظر الفجر
تدق ساعة الذكرى .. وأبكي

وعلى هالحال: يمر كل العمر
يا وسادتي تعبت وأنا أبكي

#عبدالاله_العبدلي ✨

..

والله بكل عيوبك : أحبك وأبيك
ومستعد أشيل عنك كل الهموم

أطلبك حبيبتي وكل اللي عليك
سمّي على جمالك في كل يوم

#عبدالاله_العبدلي ✨

..

يا طول الليل..
هدّ حيلي بالسهر
كل ليله ذكرى تنعاد
لذيك الليالي: البعاد
أتعبني الصبر
مليت أنتظر..
يا ليل بطّل عناد!

#عبدالاله_العبدلي ✨

..

أبي قلبٍ يحتضنّي بكل الأوقات
أبي حبٍ يغنيني عن كل الخلايق
وأبي كل ما طحت قال لي هات
وأبيه سر فرحتي لا صرت ضايق

#عبدالاله_العبدلي ✨

..

اذهبي حيث أكون هُناك..
وسأكون متواجداً هُناك..
ولن يمضي الوقت سُدى!
ولن أجلس في مكانٍ بلاك..

#عبدالاله_العبدلي

..

عشرة عمـر نـوى ينهيها بزلّة
كـان يحتريهـا للفرقـا ..
عذر هجرنـي وقلت : يا قلبـي خلّه
أبمحي من عمري أجمل عمر

#عبدالاله_العبدلي ✨

..

يمر الوقت ويكبر معه الإشتياق
والذكرى عيّت تنمحي من البال
والليل كل ما مرّ يلعب بالأوراق
كن الفجر يقول: الشوق ما زال

#عبدالاله_العبدلي

..

أبختصر لك الحكاية..
أنا بدونك .. ولا شي
شعور بين ميّت وحي
لا تطوّل الغيبه أرجوك!
ولشمعتي لا تطفي الضي،،

#عبدالاله_العبدلي ✨

..

اشتقت لك! وانت شايل بخاطرك
وأنا .. ماني جابرك
بس سمّعني عتابك..
أجمل من حكي غيرك!
وقلبك كبير .. خابرك

#عبدالاله_العبدلي ✨

..

صعب المنال .. يجذبني
أجيبه والهيّن : ما أبيه
حتى لو جاني وإن ما جبت الشي ..
ما أعيبه يبقى على رف الأحلام والأماني

#عبدالاله_العبدلي ✨

..

كم غبت وما لقيت أحدٍ ، يفقدني
كم طحت وما به أحدٍ على يمناي

وإن ما وصل لي غدى يحسدني
وإن شكيت ، محدٍ سمع شكواي

#عبدالاله_العبدلي ✨

..

يا شين بكا القلب والعين ناشفه
تتكسّر الضلوع وظاهرها ثبات
تبيّن هدوءك .. وداخلك عاصفه
تتماسك وانت تجمّع هالشتات

#عبدالاله_العبدلي ✨

..

اقبل العتاب وما به أحد كامل
والغيره لأن حب التملك موجود

وأعيش الحياة بدون ما أجامل
لكن لكل شي مقاييس وحدود

#عبدالاله_العبدلي ✨

..

يا غايبه عن العين..
عيني فقدت بصرها
الوقت والله ما يمر
وحالي أبد ما يسر
يا غايبه ارجعي..
رجعي عيني لـ محلها

#عبدالاله_العبدلي ✨

..

يالموعد : اللي جيّته مُحال
والله تعبت من كثر الألَم..

كل مرة أردّد نفس السؤال
ليش أعيشك وانتا وهَم؟

#عبدالاله_العبدلي ✨

..

هزمتني الدنيا..
وخذلوني البشر
وما بقى إلا أنت!
تكفى .. لا تغيب
الناس بدت تعيب
ارجع مثل ما كنت!

#عبدالاله_العبدلي ✨

..

أحبك .. بدون أمل
ومالي فيك نصيب،،
أحبك .. مهما حصل
لو تهجرني وتغيب،،
صعب يهزمني الملل
وببقى أوفى حبيب،،

#عبدالاله_العبدلي ✨

..

يا عين : طولّي بالنظر وتأملّي..
حسن إبداع الخالق في ملامحها
وإن ما حصلّك بس تخيّلي..
يكفي بخيالك تشوفين محاسنها
#عبدالاله_العبدلي ✨

..

عود نفسك أن لا تتعوّد..
لكي من الضغوطات تتحرّر!
لكي لا تسقط وتضعُف..
ولا بغياب أحدهم تتأثّر!
#عبدالاله_العبدلي ✨

..

لو هي على البشر عايف الكل
في الشبه خلّي ما له أربعين

في غيابه ما به بديل ولا حل
محدٍ سواه قادر يملي العين

#عبدالاله_العبدلي ✨

..

وحشتيني بكل ما فيك..
صوتك وضحكتك ولمستك
حتى الزوايا تناديك..
تعالي وبصدري بحضنك
طال انتظاري..
غبتي ومحدٍ يشبهك!
#عبدالاله_العبدلي ✨

..

كثرة الأسف تفقد شجاعة الإعتذار
وتكرار الغلط يبني للتبلّد مساحه..
#عبدالاله_العبدلي ✨

..

رحت والذكرى بـ قلبي حيّه
وطيفك .. ما راح ألقى زيّه
هجرتني وأنا مخلص النيّه
وربي عالمٍ بـ حالي
والله ما زلت في بالي
#عبدالاله_العبدلي ✨

..

راجع أفكارك وأحسن ظنونك
حبيبي : والله ظالمني تفكيرك
خسرت الكثير بس لـ عيونك
وتفكّر أخسرك عشان غيرك؟
#عبدالاله_العبدلي ✨

..

هي كذا الأيام بغيابه..
الليالي طويله .. وكلها ألم
ومن الذكرى قلبي ما سلم
متى موعد اللقا؟
ما بقى شي من حبر القلم
#عبدالاله_العبدلي ✨